ક્રિકેટ / આ દિગ્ગજ ઉદ્યોગપતિના દિકરાએ ક્રિકેટમાંથી લીધો બ્રેક, કારણ જાણીને વિશ્વાસ નહીં થાય

• આર્યમને માનસિક સ્વાસ્થ્ય સારું ન હોવાથી ક્રિકેટમાંથી લીધો બ્રેક
• આર્યમાને 2017-18માં મધ્યપ્રદેશ માટે રણજી ટ્રોફીમાં ડેબ્યુ કર્યું હતું
• ઓસ્ટ્રેલિયાના ગ્લેન મેક્સવેલે પણ માનસિક સ્વાસ્થ્યને કારણે ક્રિકેટમાંથી બ્રેક લીધો હતો

દેશના પ્રમુખ ઉદ્યોગપતિની લિસ્ટમાં સામેલ કુમાર મંગલમ બિરલાના દિકરા આર્યમને કહ્યું કે, મેં અત્યાર સુધી રમવાની કોશિશ કરી પરંતુ હવે માનસિક સ્વાસ્થ્ય પર વધુ અસર થવા લાગી છે અને તે અંગે હવે મારે વિચારવું જોઈએ. આર્યમને 2017-18માં મધ્યપ્રદેશ માટે રણજી ટ્રોફીમાં ડેબ્યુ કર્યું હતું. મધ્યપ્રદેશ જૂનિયર વર્ગ માટે રમનાર બિરલા 2017માં રણજી સીનિયર ટીમથી જોડાયો અને આ દરમિયાન તેણે પ્રથમ શ્રેણી મેચ અને ચાર એ મેચ રમ્યા હતા. 

pic.twitter.com/7sU1wkJrsE

— Aryaman Birla (@AryamanBirla) December 20, 2019

આ વર્ષની હરાજી પહેલા તેને ફ્રેન્ચાઇઝ દ્વારા રિલીઝ કરવામાં આવ્યો 

આર્યમને સીકે નાયડૂ ટ્રોફીમાં 3 સદી સહિત 602 રન બનાવ્યા હતા. તે 2018થી 2020 સુધી બે સીઝનમાં રાજસ્થાન રોયલ્સનો ભાગ રહ્યો, પરંતુ તેને કોઈપણ મેચમાં તક આપવામાં આવી નહોતી. આ વર્ષની હરાજી પહેલા તેને ફ્રેન્ચાઇઝ દ્વારા રિલીઝ કરવામાં આવ્યો હતો. માનસિક સ્વાથ્યને લીધે આર્યમન ક્રિકેટમાંથી બ્રેક લેનાર પ્રથમ ખેલાડી નથી. તે પહેલા ઓસ્ટ્રેલિયાના બેટ્સમેન ગ્લેન મેક્સવેલ, નિક મેડિનસન અને વિલ પુકોવસ્કીએ પણ આ જ કારણથી ક્રિકેટમાંથી બ્રેક લીધો હતો.