સુરતઃ 14 કરોડની ક્રિપ્ટો કરન્સી છેતરપિંડી મામલે મુખ્ય આરોપીની ધરપકડ

સુરતઃ ક્રિપ્ટો કોઈન કરન્સી છેતરપિંડી મામલે નોંધાયેલી ફરિયાદમાં ક્રાઈમ બ્રાંચે મુખ્ય આરોપી રોહિત કાપોપરાની ધરપકડ કરી છે. રોહિત કપોપરા આ કેસમાં મુખ્ય સુત્રધાર છે અને રોહિત કાપોપરાએ રૂ. 14 કરોડની છેતરપિંડી આચરી હતી.

તો ક્રાઈમ બ્રાંચે અલતાફ અને ઉમેશની પણ ધરપકડ કરી છે. ચેતન ગાંગાણીએ આ મામલે પોલીસ ફરિયાદ નોંધાવતા ક્રાઈમબ્રાંચે પોતાની કડક કાર્યવાહી હાથ ધરી હતી.



જો કે ACBના PI એલ.બી. ડાભી હજુ ફરાર છે. ક્રિપ્ટો કરન્સી કેસમાં PI એલ.બી. ડાભીએ તગડું કમિશન લીધું હોવાનો આક્ષેપ છે.

ઉલ્લેખનીય છે કે આ કેસ દરમિયાન સમયે એલ.બી. ડાભી કામરેજ પોલીસ મથકમાં પોલીસ ઈન્સપેક્ટર તરીકે ફરજ બજાવતા હતા.