લશ્કરી કવાયત / સેનાનું ઓપરેશન 'શત્રુ નાશ', લેસર ગાઈડેડ અને 1000 કિલો બોંબથી ધણધણી ઉઠી ધરતી, અદ્દભૂત વીડિયો

• ભારતીય સેનાએ રાજસ્થાનમાં કર્યું બહાદુરીનું પ્રદર્શન
• શ્રીગંગાનગરમાં લશ્કરી કવાયત કરી
• લેઝર ગાઈડેડ બોમ્બ, મિસાઈલથી કર્યો લશ્કરી અભ્યાસ

ભારતીય સેનાએ રાજસ્થાનના શ્રીગંગાનગરમાં પોતાની અદભૂત બહાદુરીનું પ્રદર્શન કર્યું છે. ન્યૂઝ એજન્સી એએનઆઈના રિપોર્ટ અનુસાર, ભારતીય સેનાએ લેઝર ગાઈડેડ બોમ્બથી લઈને નિશાનો પર પ્રહાર કરવાથી લઈને મિસાઈલથી દુશ્મનના ઠેકાણાઓને નષ્ટ કરવા સુધીની સૈન્ય કવાયત હાથ ધરી છે. સેનાએ આ સૈન્ય અભ્યાસને 'શત્રુ નાશ' એટલે કે દુશ્મનનો સંપૂર્ણ નાશ એવું નામ આપ્યું છે. 

વીડિયો થયો વાયરલ 
આ સૈન્ય અભ્યાસનો વીડિયો સોશિયલ મીડિયા પર વધુને વધુ વાયરલ થઈ રહ્યો છે. વીડિયોના બેકગ્રાઉન્ડમાં કેટલાક લોકોને કોમેન્ટ્રી કરતા સાંભળી શકાય છે.

#WATCH | Indian army conducts Exercise 'Shatru Nash' in Sri Ganganagar, Rajasthan pic.twitter.com/Z7HWaGEUPu

— ANI (@ANI) November 21, 2022

વાયુસેનાના વિમાનોએ ટાર્ગેટ પર 1000 કિલોનો બોંબમારો કર્યો 
ભારતીય વાયુસેનાના વિમાનોએ ટાર્ગેટ પર 1000 કિલોનો બોંબમારો કર્યો હતો. સુખોઇ-30 એમકેઆઇ ફાઇટર જેટને ભારતીય વાયુસેનાની સૌથી મોટી તાકાત માનવામાં આવે છે. આ ટેસ્ટ બાદ લાંબા અંતરથી આકાશમાં ધુમાડાના ગોટેગોટા જોવા મળે છે. આ સૈન્ય અભ્યાસ ભારતીય સેના અને વાયુસેના બંને દ્વારા સંયુક્ત રીતે કરવામાં આવ્યો હતો.

કોમ્બેટ હેલિકોપ્ટરે દુશ્મનની પોઝિશન પર કર્યું ફાયરિંગ 
લશ્કરી કવાયતમાં કોમ્બેટ હેલિકોપ્ટર્સે પણ ભાગ લીધો હતો. વીડિયોમાં જોઈ શકાય છે કે, હેલિકોપ્ટર આકાશમાંથી દુશ્મનની પોઝિશન પર જોરદાર ફાયરિંગ કરી રહ્યા છે. સૈન્ય કવાયતમાં ભારે હથિયારો પ્રદર્શિત કરવામાં આવ્યા હતા. ટેન્ક અને મિસાઇલથી સજ્જ વાહનોએ પણ સૈન્ય અભ્યાસમાં ભાગ લીધો હતો. લશ્કરી કવાયતમાં રડારથી સજ્જ ટેન્કો પણ જોવા મળી હતી.