VIDEO / ગાંડીતૂર ચેનાબ નદીમાં JCB પર ફસાયા યુવકો, સેનાનું દિલધડક રેસ્ક્યૂ જોઈ રૂંવાડા ઊભા થઈ જશે

• સેનાના જવાનોનું સાહસિક અભિયાન
• નદી પાર કરવા જતાં બે યુવકો ચેનાબ નદીમાં ફસાયા
• જવાનોએ જીવની પરવા કર્યા વિના બંનેને બચાવી લીધા

ભારતીય સેનાના  અદમ્ય સાહસના કિસ્સા તો આપે જોયા જ હશે. પછી તોફાન હોય કે પુરની સ્થિતિ. કોઈ પણ પ્રાકૃતિક અથવા માનવીય ત્રાસ્દીમાં સેનાના જવાનો પોતાના જીવની પણ પરવાહ કર્યા વિના તૈયાર થઈ જતાં હોય છે. આવી જ એક સાહસિક ઘટના સેનાના જવાનોએ જમ્મુ કાશ્મીરમાં પોલીસ સાથે મળીને બે યુવકોના જીવ બચાવ્યા છે. આ યુવક કિશ્તવાડ જિલ્લામાં ચેનાબ નદીની ધારમાં ફસાયેલા હતા. લગભગ પાંચ કલાક સુધી ચાલેલા આ રેસ્ક્યુ અભિયાન દરમિયાન જવાનોએ પોતાના જીવની ચિંતા કર્યા વિના બંને યુવકોને સુરક્ષિત બચાવ્યા હતા. 

#IndianArmy carried out rescue of two youth stuck in #Chenab river near village Sohal, #Kishtwar, #JammuKashmir. The water level was rising at fast pace, Soldiers rappelled across the river & rescued the youth to safety.@adgpi @Whiteknight_IA @ANI @ABPNews pic.twitter.com/aewQKQLKWJ

— NORTHERN COMMAND - INDIAN ARMY (@NorthernComd_IA) May 8, 2022

આપને જણાવી દઈએ કે, સુનીલ અને બબલૂ નામના બે યુવક શનિવારે મોડી સાંજે કિશ્તવાડમાં પદ્દાર વિસ્તારમાં શોલ ગામની ચેનાબ નદીને પાર કરવા માટે નિકળ્યા હતા. આ બંને એક જેસીબીમાં બેઠેલા હતા અને નદીની સામે તરફ જવાની કોશિશ કરી રહ્યા હતા. પણ આ દરમિયાન ચેનાબ નદીનું પાણીમાં તોફાન આવ્યું અને જળસ્તર વધવા લાગ્યું. બંને યુવકો તેજ ધારમાં ફસાઈ ગયા હતા. 

આ ઘટનાની જાણ પોલીસ સુધી પહોંચી. યુવકોને કાઢવામાં નિષ્ફળ રહેલી પોલીસે સેનાની મદદ લેવાનો નિર્ણય કર્યો. પ્રશાસન દ્વારા સેનાના 17 રાષ્ટ્રીય રાઈફલ્સને સૂચના આપવામાં આવી. ત્યાર બાદ સૈનિકોએ પોલીસની સાથે મળીને બચાવ અભિયાન ચલાવ્યું હતું. અધિકારીઓના જણાવ્યા અનુસાર પાણીનું સ્તર વધવા અને તેજ વહેણના કારણે બચાવ અભિયાનમાં ભારે અડચણ આવી હતી. પાણી એટલું વધી ગયું હતું કે, જેસીબી પર ચડીને બંને યુવકોએ નદી પાર કરવાની કોશિશ કરી રહ્યા હતા. તે પણ લગભગ પાણીમાં ડૂબવા લાગ્યું હતું. બંનેએ જેસીબી પર ચડીને જેમ તેમ કરીને પોતાનો જીવ બચાવ્યો હતો.