ઓફર / શું આપ પોતાનું ઘર ખરીદવાનું વિચારી રહ્યાં છો, આ ફેસ્ટિવલ સિઝનમાં બેન્કો આપી રહી છે સસ્તામાં હોમલોન 

• તહેવારોમાં સસ્તી હોમ લોન આપવા માટે બેન્કો વચ્ચે સ્પર્ધા 
• કેટલીક બેંકે સૌથી ઓછા દરે હોમ લોન આપી રહી છે
• કેટલીક બેંક ઓછામાં ઓછી પ્રસોસિંગ ફી વસૂલી રહી છે 
• કેટલીક બેંક ઘર રિપેર કરાવવું હોય તો પણ લોન આપે છે 

તહેવારોમાં સસ્તી હોમ લોન આપવા માટે બેન્કો વચ્ચે સ્પર્ધા 

તહેવારોની સિઝનમાં સસ્તી હોમ લોન આપવાની બેન્કો અને હાઉસિંગ ફાઇનાન્સ કંપનીઓ વચ્ચે સ્પર્ધા છે. સરકારી બેન્કોની સાથે ખાનગી બેન્કો અને હાઉસિંગ ફાઇનાન્સ કંપનીઓ ગ્રાહકોને આકર્ષવા માટે ઘણી હોમ લોન ઓફર સાથે આવી છે. દેશની સૌથી મોટી બેંકે હોમ લોન પર ઘણી સુવિધાઓ આપવાની જાહેરાત કરી છે. 6.70 ટકા વ્યાજ સાથે પ્રોસેસિંગ ફી માફ કરવામાં આવી છે.બિન-પગારદાર લેણદારોને વ્યાજના પ્રીમિયમ પર મુક્તિ આપવામાં આવી રહી છે. એ જ રીતે HDFC બેન્કે પણ સસ્તી હોમ લોન આપવાની જાહેરાત કરી છે. ક્રેડિટ સ્કોરના આધારે તહેવારની હોમ લોન ઓફર આપવામાં આવી રહી છે. હોમ લોનનો વ્યાજ દર 6.7% રાખવામાં આવ્યો છે.

કોટક મહિન્દ્વા બેંકે સૌથી ઓછા દરે હોમ લોન આપી રહી છે

ખાનગી બેંક કોટક મહિન્દ્રા બેંક હાલમાં સૌથી ઓછા દરે હોમ લોન આપી રહી છે. સૌથી પહેલા તો આ બેંકે વ્યાજ દર ઘટાડવાની જાહેરાત કરી હતી.જો ગ્રાહકે 20 વર્ષ માટે 75 લાખની લોન લે છે, તો તેને 6.5% વ્યાજ ચૂકવવું પડશે. આ લોનની રકમ પર, ગ્રાહકોએ 55,918 રૂપિયાની EMI ચૂકવવી પડશે. કોટક બેંકે તાજેતરમાં વ્યાજદરમાં 0.15 બેસિસ પોઇન્ટ ઘટાડવાની જાહેરાત કરી હતી. બેંક હવે 6,50 ટકાના દરે લોન આપી રહી છે. કોટકનું કહેવું છે કે છેલ્લા 10 વર્ષમાં આ સૌથી ઓછો હોમ લોન દર છે. આ લોન તહેવારોની સિઝનને ધ્યાનમાં રાખીને 8 નવેમ્બર સુધી ચાલુ રાખવામાં આવશે.

પંજાબ એન્ડ સિંઘ બેંક 6.65 ટકાના દરે લોન આપી રહી છે 

પંજાબ એન્ડ સિંધ બેંક કોટક મહિન્દ્રા બેંક કરતા થોડો વધારે દર વસૂલી રહી છે. જાહેર ક્ષેત્રની બેન્કોની સરખામણીમાં પંજાબ એન્ડ સિંધ બેંકનો દર ઓછો છે અને હાલમાં 6.65 ટકાના દરે લોન આપવામાં આવી રહી છે. સેન્ટ્રલ બેંક રૂ. 22,990-23,802 ની EMI સાથે 6.85-7.30 ટકા વ્યાજ સાથે હોમ લોન આપી રહી છે, જેની મહત્તમ પ્રોસેસિંગ ફી 20 હજાર રૂપિયા છે. બેન્ક ઓફ ઇન્ડિયા 6.85-8.85 ટકા વ્યાજ સાથે મહત્તમ 50,000 રૂપિયાની પ્રોસેસિંગ ફી સાથે 22,990-26,703 રૂપિયાની EMI ચાર્જ કરી રહી છે.

બેન્ક ઓફ બરોડા બેંક ઓછામાં ઓછી પ્રસોસિંગ ફી વસૂલી રહી છે 

ઈન્ડિયન બેન્ક 6.85-8.00 ટકા વ્યાજ સાથે 22,990-25,093 રૂપિયાની EMI પર મહત્તમ 20,000 રૂપિયાની પ્રોસેસિંગ ફી વસૂલે છે. IDFC ફર્સ્ટ બેંક 6.90-8.50 ટકા વ્યાજ પર 23,079-26.035 રૂપિયાના EMI પર 10,000 રૂપિયા સુધીની પ્રોસેસિંગ ફી વસૂલે છે. એક્સિસ બેંક 6.90-8.40 ટકા વ્યાજ પર 23,079-25,845 રૂપિયાની EMI પર લોનની રકમના 1% સુધીની પ્રોસેસિંગ ફી વસૂલે છે. બેંક ઓફ બરોડા 22,811-26,225 રૂપિયાના EMI પર 6.75-8.60 ટકાના વ્યાજ દર સાથે લોન ઓફર કરી રહી છે જેમાં ઓછામાં ઓછી 8,500 અને મહત્તમ પ્રોસેસિંગ ફી 25,000 રૂપિયા છે.

LIC હોમ લોનના વ્યાજ દર વાર્ષિક 6.90 ટકાથી શરૂ થાય છે. 

એલઆઇસી હાઉસિંગ ફાઇનાન્સ પગારદાર, સ્વરોજગાર અને પેન્શનરો માટે હોમ લોન આપે છે. LIC હોમ લોનના વ્યાજ દર વાર્ષિક 6.90 ટકાથી શરૂ થાય છે. ઘરના બાંધકામ, મકાનની ખરીદી, પ્લોટની ખરીદી અથવા મકાનની મરામત માટે હોમ લોન આપવામાં આવે છે. LIC ફાઇનાન્સ મહિલા હોમ લોન લેનારાઓને વ્યાજ છૂટ પણ આપે છે. LIC હાઉસિંગ લોન હેઠળ ઓફર કરેલી રકમ 1 લાખ રૂપિયાથી શરૂ થાય છે.

બજાજ ફિનસર્વ ઘર ખરીદવું હોય કે રિપેર કરાવવું હોય તો પણ લોન આપે છે 

બજાજ ફિનસર્વ 6.75 ટકાથી શરૂ થતા વ્યાજદર સાથે હોમ લોન આપે છે. આ લોન હેઠળ, 30 વર્ષ સુધીની ચુકવણીનો સમયગાળો, પ્રધાનમંત્રી આવાસ યોજના દ્વારા વ્યાજ સબસિડી અને હાલની હોમ લોનના ટ્રાન્સફર પર ટોપ અપ લોન લેવાની સુવિધા છે. ઘર ખરીદવું હોય કે રિપેર કરાવવું હોય, બજાજ ફિનસર્વ બંને માટે લોન આપે છે. સારી નાણાકીય રૂપરેખા ધરાવતો કોઈપણ ભારતીય બજાજ ફિનસર્વ પાસેથી લોન લઈ શકે છે. અમુક પરિમાણો લેણદાર પગારદાર છે કે સ્વ રોજગારી પર આધાર રાખે છે.