બિઝનેસ / જાણો, વિશ્વના સૌથી મોટા IPO દ્વારા જુઓ કંપનીએ કેટલાં રૂપિયા ભેગાં કર્યા

સૂત્રોના જણાવ્યા અનુસાર રિયાધ સ્ટોક એક્સચેન્જમાં અરામકોના શેર 32 રિયલની પ્રારંભિક કિંમત પર વેચવામાં આવશે. આ હિસાબે કંપનીનું વેલ્યૂએશન 1700 અબજ ડોલર થવા પામે છે. તેનાથી અત્યાર સુધીની તે સૌથી મોટી કંપની બની ગઇ છે. આ અગાઉ ચીનની ઓનલાઇન ટ્રેડિંગ કંપની અલીબાબાએ 2014માં 25 અબજ ડોલર (રૂ.1.75 લાખ કરોડ) એકત્ર કર્યા હતા.

આ સાથે જ અરામકો વિશ્વની સૌથી વેલ્યુએબલ કંપની બની ગઈ છે. તેણે 1.15 અબજ ડોલરના વેલ્યુએશનની અમેરિકન કંપની એપ્પલની પાછળ છોડી દીધી છે. નોંધનીય છે કે અરામકો આ ડીલને હજુ 29.4 અબજ ડોલર સુધી લઇ જવા માંગે છે.

અરામકોના IPO કાઢીને હવે સાઉદી અરેબિયાએ આર્થિક ઉદારીકરણની શરૂઆત કરી છે. નોંધનીય છે કે સાઉદીના પ્રિન્સ સલમાન 2030 સુધી સાઉદી રાજ્યના અર્થતંત્રનો ક્રૂડતેલ ઉપરનો દારોમદાર ઘટાડવા માંગે છે. 

આરબ દેશોમાં ચાલી રહેલી રાજકીય ઉથલપાથલો, ક્રૂડના ઘટી રહેલા ભાવ અને ક્લાઈમેટ ચેઇન્જની વધતી અસરોના કારણે વિશ્વમાં અરામકોના IPOની સફળતાને લઇને શંકા સેવાતી હતી પરંતુ અરામકોએ આ બધી ધારણાઓના દૂર કરી દીધી હતી. 

અરામકોએ 2024 સુધી વાર્ષિક 75 અબજ ડોલરના ડિવિડન્ડ ગ્રાહકોને ચૂકવવાનું વચન આપ્યું છે.