અપડેટ / આઇફોન યુઝર્સને એપલે આપ્યું સરપ્રાઈઝ! iOS 16 નાં લોન્ચ થયા બાદ લોક સ્ક્રીનથી લઇને નોટિફિકેશનમાં જોવા મળશે મોટા ફેરફાર

• એપલ લાવી રહ્યું છે   iOS 16
• આઇફોનનો લુક-ફંક્શનમાં જોવા મળશે ફેરફાર
• ઇન બિલ્ટ એપમાં પણ કર્યા કેટલાક બદલાવ

એપલ આઇફોન. આ નામ પડતા જ ભલભલાના આંખોમાં ચમક જોવા મળે. ત્યારે હવે એપલ આઇફોને સ્માર્ટફોન માટે  iOS 16 રજૂ કર્યુ છે. જેને કારણે હવે આઇફોનમાં ઘણા બધા ફેરફાર જોવા મળષે. આ આઇફોન માટે એક નવુ સોફ્ટવેર પણ અપડેટ કરવામાં આવ્યુ છે. એપલે જણાવ્યુ કે હવેથી યુઝર્સને આઇફોન વાપરવામાં વધુ મજા પડી જશે. ફોનનો દેખાવ અને તેના ફંક્શનમાં પણ બદલાવ જોવા મળશે.  આ ઉપરાંત ઇનબિલ્ટ એપમાં પણ બદલાવ કરવામાં આવ્યા છે.  હવેથી સેન્ટ મેસેજને પણ અન-ડુ કરીને એડિટ કરી શકાશે. 

'લાઇવ એક્ટિવીટી નામનું ફીચર એડ'

કંપનીનું કહેવુ છે કે લોક સ્ક્રીનમાં ફેરફાર કરવામાં આવ્યો છે. એક ઓપ્શન એડ કરવામાં આવ્યુ છે જેમાં જોવા મળશે કે લોક સ્ક્રીન કેવી દેખાવી જોઇએ.  નવુ ટાઇપફેસ પણ આપવામાં આવ્યુ છે.  આ ઉપરાંત ટાઇમના કલરમાં પણ બદલાવ કર્યો છે.  યુઝર્સ સ્પેશિયલ વિઝિટ પણ એડ કરી શકશે જેનાથી કેબની લાઇવ ઇન્ફોર્મેશન પણ જોઇ શકાશે.   iOS 16માં નવી સ્ટાઇલનું નોટિફિકેશન આપવામાં આવ્યુ છે જેને લાઇવ એક્ટિવીટી નામ આપવામાં આવ્યું છે. જેમાં વર્ક આઉટ, ઉબર રાઇડ જેવી એક્ટિવીટી થઇ શકે છે. 

વપરાશકર્તાઓ અલગ-અલગ લૉક સ્ક્રીન ધરાવી શકશે

લૉક સ્ક્રીન 'ફોકસ' ટૂલ સાથે પણ કામ કરશે, જે ગયા વર્ષે iOS 15 સાથે લૉન્ચ કરવામાં આવ્યું હતું. વપરાશકર્તાઓ તેમના ફોકસના આધારે અલગ-અલગ લૉક સ્ક્રીન ધરાવી શકે છે. ઉદાહરણ તરીકે, જ્યારે તેઓ કામ પર હોય ત્યારે તેઓ વિજેટ્સનો ચોક્કસ સેટ રાખવાનું પસંદ કરી શકે છે. એપલ તેની બિલ્ટ-ઇન એપ્સમાં પણ ફેરફાર કરશે, જેમ કે મેસેજ એપ. હવે તે યુઝર્સને મેસેજ ડિલીટ અને એડિટ કરવાની મંજૂરી આપશે. તેમજ તેઓને ન વાંચેલા તરીકે માર્ક પણ કરી શકાય છે. તેને શેરપ્લેમાં પણ ફેરફાર કર્યો છે. હવે યુઝર્સ ફેસટાઇમ અને મેસેજ દરમિયાન એક સાથે બે વસ્તુઓ જોઇ શકશે. 

ફોટોમાંથી હટાવી શકાશે ટેક્સ્ટ

iOS 16 એ નવા ડિક્ટેશન ટૂલ્સ પણ ઉમેર્યા છે. Appleએ ગયા વર્ષે રજૂ કરેલા ટૂલમાં નવા અપડેટ્સ લાવી રહ્યું છે, જે વપરાશકર્તાઓને ફોટોમાંથી ટેક્સ્ટ કોપી કરવાની સુવિધા મળશે. કોઇ પણ ફોટોમાંથી ટેક્સ હટાવવા સરળ બનશે.