VIDEO / અનુષ્કાએ શેર કરી ચકદા એક્સપ્રેસની એક ઝલક, ક્રિકેટર ઝુલન ગોસ્વામીનાં સંઘર્ષ પર બની છે ફિલ્મ

• અનુષ્કાએ શેર કરી 'ચકદા એક્સપ્રેસ'ની ઝલક
• અનુષ્કાની પોસ્ટ પર વિરાટ કોહલીએ આપ્યુ રિએક્શન 
• સોશિયલ મીડિયા પર વાયરલ થયો વીડિયો 

ભારતીય અભિનેત્રી અનુષ્કા શર્મા હાલ તેની આગામી ફિલ્મ 'ચકદા એક્સપ્રેસ'ને લઈને ચર્ચામાં છે. અનુષ્કાએ સોમવારે ભારતીય મહિલા ક્રિકેટર ઝુલન ગોસ્વામીની બાયોપિક પર આધારિત ફિલ્મ ચકદા એક્સપ્રેસની એક ઝલક શેર કરી.

અનુષ્કાની પોસ્ટ પર વિરાટે આપી પ્રતિક્રિયા 
અનુષ્કા શર્માની આ પોસ્ટ પર તેના પતિ અને સ્ટાર ક્રિકેટર વિરાટ કોહલીએ પણ પ્રતિક્રિયા આપી છે. કોહલીએ કોમેન્ટ સેક્શનમાં હાર્ટ ઈમોજી બનાવ્યું છે.

 

 

 

 

View this post on Instagram

 

 

 

 

 

 

 

 

 

 

 

A post shared by AnushkaSharma1588 (@anushkasharma)

અભિનેત્રીએ તેના ઈન્સ્ટાગ્રામ એકાઉન્ટ પરથી આ ફિલ્મની એક વીડિયો ક્લિપ પોસ્ટ કરી છે. અનુષ્કાએ પોસ્ટના કેપ્શનમાં લખ્યું છે કે, અમારા ડિરેક્ટર પ્રોસિત રોય સાથે 'ચકડા એક્સપ્રેસ'ની એક ઝલક. આ ફિલ્મ 2 ફેબ્રુઆરી 2023ના રોજ રિલીઝ થશે.

પ્રોસિત રોયે કર્યું છે ફિલ્મનું ડાયરેક્શન
પ્રોસિત રોયે આ ફિલ્મનું ડાયરેક્શન કર્યું છે. પ્રોસિતે આ પહેલા બ્લડી માઉસટેચ, પરી જેવી ફિલ્મો પણ ડાયરેક્ટ કરી છે. આ વીડિયોમાં ઝુલન ગોસ્વામીની નાના ગામ ચકદાથી વર્લ્ડ કપ સુધીની સફર જણાવવામાં આવી રહી છે.

2002થી કરી હતી કરિયરની શરીઆત
ચકદા એક્સપ્રેસ ભૂતપૂર્વ ભારતીય મહિલા કેપ્ટન ઝુલન ગોસ્વામીના જીવન પર આધારિત છે. ઝુલને 6 જાન્યુઆરી 2002ના રોજ ઈંગ્લેન્ડ સામે વન ડે ક્રિકેટથી પોતાની કારકિર્દીની શરૂઆત કરી હતી. તેણે ODI ક્રિકેટમાં 201 મેચોમાં 1228 રન બનાવ્યા છે અને 252 વિકેટ લીધી છે.

આંતરરાષ્ટ્રીય ક્રિકેટથી ળઈ શકે છે નિવૃત્તિ 
જોકે, ઝુલન ગોસ્વામી હવે આંતરરાષ્ટ્રીય ક્રિકેટમાંથી નિવૃત્તિ લેવાની નજીક છે. તે ઈંગ્લેન્ડ સામે 18 સપ્ટેમ્બરથી શરૂ થનારી વનડે શ્રેણીનો ભાગ છે. શ્રેણીની બીજી વનડે 21મીએ અને ત્રીજી વનડે 24મી સપ્ટેમ્બરે રમાશે. ત્રીજી વનડે ઝુલનની છેલ્લી મેચ હશે. ઝુલન ત્રણેય ફોર્મેટમાં 352 વિકેટ સાથે આંતરરાષ્ટ્રીય ક્રિકેટમાં સૌથી વધુ વિકેટ લેનારી બોલર છે.