પર્દાફાશ / અમદાવાદમાં અમેરિકન ડ્રગ્સનું છુટક વેચાણ કરતા 2 ડીલરોને LCBએ ઝડપ્યા, કરી એવી કબૂલાત કે માતા-પિતાની ચિંતા વધશે

• અમદવાદમાં વધુ એક ડ્રગ્સ રેકેટ ઝડપાયું
• LCBએ 2 ડ્રગ્સ ડીલરોની કરી ધરપકડ
• શૈક્ષણિક સંકુલોમાં વેચતા હતા ડ્રગ્સ 

અમેરિકાથી ડ્રગ્સ મંગાવી અમદાવાદ અને તેની આસપાસ આવેલી શૈક્ષણિક સંસ્થાઓના વિદ્યાર્થીઓને વેચાણ કરતા બે ડ્રગ્સ ડીલરો ની ગ્રામ્ય પોલીસે ધરપકડ કરી છે. અગાઉ આ જ ગુનામાં ગ્રામ્ય એલસીબીએ એ આરોપી ને ઝડપી આંતરરાષ્ટ્રીય ડ્રગ રેકેટનો પર્દાફાશ કર્યો હતો. જોકે આ ગુનામાં સુરત અને વલસાડના કેટલાક આરોપીઓની ધરપકડ કરવા પોલીસે કવાયત હાથ ધરી છે.

આરોપીઑ શ્રીમંત પરિવારના પુત્રો
અમદાવાદ ગ્રામ્ય પોલીસની કસ્ટડીમાં રહેલા બે આરોપી વિપલ સંજયગીરી ગોસ્વામી અને ઝીલ પરાતે છે. જે બન્ને ડ્રગ ડીલર તરીકે છુટક ડ્રગ્સ મેળવી વેચાણ કરતા હતા. ઝડપાયેલા આરોપી અગાઉ પોલીસે પકડેલા બે આરોપી વંદીત પટેલના અને પાર્થ શર્મા પાસેથી અમેરિકન ડ્રગ મેળવી છૂટક માં વેચાણ કરતા હતા. સાથે જ આરોપીની પૂછપરછમાં એ હકીકત સામે આવી છે. કે મોટાભાગે ડ્રગ શૈક્ષણિક સંસ્થાઓ માં અભ્યાસ કરતા વિદ્યાર્થીઓ અથવા નબીરાઓ ને વેચ્યુ હોવાનુ  સામે આવ્યું છે સાથે જ છેલ્લા બે વર્ષમાં આશરે આંઠ  કરોડથી વધુનું ડ્રગ્સ વેચાણ કરી ચુક્યા છે.

સંખ્યાબંધ વિદ્યાર્થીઓના કોન્ટેક્ટમાં હતા
નશાના કારોબાર જોતરાયેલા ચારેય યુવકો ઉચ્ચ શિક્ષણ અને સારા પરિવાર ના પુત્રો છે. પરંતુ નશાના બંધાણી થયા બાદ પોતાના શોખ પૂરા કરવા ડ્રગ્સ ના વેચાણ પણ કરવા લાગ્યા હતા. જોકે ઝડપાયેલા આરોપીઓ પાસેથી ડ્રગ ખરીદનાર સંખ્યાબંધ વિદ્યાર્થીઓના કોન્ટેક સામે આવ્યા છે. જેમની પૂછપરછ પણ પોલીસ દ્વારા હાથ ધરવામાં આવી છે. સાથે જ આ ગુનાના ફરાર અન્ય આરોપીઓની શોધખોળ પણ પોલીસે શરૂ કરી છે.

ક્રિપ્ટો કરન્સીમાં પેમેન્ટ કરવામાં આવતું 
અમદાવાદ ગ્રામ્ય એસઓજીએ અમેરિકન ડ્રગ્સ કેસમાં કુલ ચાર આરોપીઓની ધરપકડ કરી છે. સાથે જ તેમની પાસેથી મોબાઇલ લેપટોપ સહિતનો મુદ્દામાલ કબજે કર્યો છે. કારણકે ડ્રગ્સ ખરીદવા માટે ક્રિપ્ટો કરન્સી માં પેમેન્ટ કરવામાં આવતું હતું. જેથી આરોપીઓ કઈ કઈ વેબસાઈટ નો ઉપયોગ કરતા હતા. અને આંતરરાષ્ટ્રીય ડ્રગ્સ ડીલરો નો સંપર્ક કેવી રીતે કરવામાં આવતો હતો. તે અંગે તપાસ હાથ ધરી છે. સાથે જ અત્યાર સુધીમાં કેટલી વખત ડ્રગ્સ ના પાર્સલ કોના નામે અને કયા સરનામે આવ્યા છે આવ્યા છે. તેની તપાસ શરૂ કરવામાં આવી છે.