આગાહી / પરસેવે રેબઝેબ થવાનો વારો ! શિયાળાની સત્તાવાર વિદાય જાહેર, જાણો હવામાન વિભાગે શું કરી આગાહી

• ગુજરાતમાં શિયાળાની સત્તાવાર વિદાય
• ઉનાળો આકરો રહેવાનું અનુમાન
• 3 દિવસ બાદ વધશે મહત્તમ તાપમાન

અમદાવાદ સહિત સમગ્ર રાજ્યમાં માર્ચ મહિનાની શરૂઆતમાં જ ઉનાળાની ઋતુની શરૂઆત થઈ ગઈ છે. જો કે, વહેલી સવારે અને મોડી રાત્રે આંશિક ઠંડીનો એહેસાસ વર્તાઈ રહ્યો છે. જો કે, રાજ્યના હવામાન વિભાગ દ્વારા શિયાળાની સત્તાવાર રીતે વિદાય જાહેરાત કરવામાં આવી છે. તેમજ આગામી ત્રણ દિવસો બાદ અમદાવાદ સહિત રાજ્યમાં મહત્તમ તાપમાનનો પારો વધશે તેમ જણાવ્યું હતું . 

ગુજરાતમાં શિયાળાની સત્તાવાર વિદાય
 
ઉલ્લેખનીય છે કે, રાજ્યમાં શિયાળાની વિદાયની સત્તાવાર જાહેરાત થતાંની સાથે સોમાવારે અમદાવાદ શહેરનું મહત્તમ તાપમાન 36 ડિગ્રીએ પહોંચી ગયું હતું. બીજી બાજું હવામાન વિભાગની આગાહી અનુસાર આગામી ત્રણ દિવસોમાં તાપમાનનો પારો હજી ઉંચો ચઢશે. જેને લઈને આગામી દિવસોમાં ઉનાળો આકરો રહેશે. તેમજ એપ્રિલ અને મે માસમાં હિટવેવની અસર જોવા મળી રહી છે. 

ઉનાળો આકરો રહેવાનું અનુમાન

ઉલ્લેખનીય છે કે, આ વખતે રાજ્યમાં  શિયાળાની જોઈએ એવી જમાવટ નહોતી જોવા મળી. ફુલ ગુલાબી ઠંડીની અપેક્ષા રાખનારા લોકો માટે શિયાળો હળવો ફૂલ બની ગયો હતો. તેની સામે શિયાળામાં ક્યાંક ક્યાંક વરસાદી માહોલ પણ જોવા મળ્યો હતો. ઉપરથી ચોમાસાની પણ મોડી વિદાય થઈ હતી. ત્યારે હવે 2022માં ઉનાળાનો આકરો તાપ કેવો પડે છે તે જોવાનું રહેશે.

દક્ષિણ પૂર્વ ગુજરાતના કેટલાક જિલ્લામાં થંડર સ્ટોર્મ એક્ટિવીટીની શક્યતા 

આકરાં ઉનાળાની વચ્ચે રાજ્યના હવામાન વિભાગના જણાવ્યા અનુસાર રાજ્યના દક્ષિણ પૂર્વ ભાગમાં અગામી 10 માર્ચ સુધી થન્ડર સ્ટોર્મ એક્ટીવીટીની શક્તા રહેવાથી નર્મદા, તાપી, વલસાડ, દાહોદ અને પંચમહાલ જેવા વિસ્તારમાં અતિ સામાન્ય વરસાદ આવી શકે. ત્યારબાદ સમગ્ર રાજ્યમાં કાળઝાળ ગરમી શરૂ થઈ જશે