સુશાંત સિંહ રાજપૂત હવે આપણી વચ્ચે આ દુનિયામાં નથી. આપણે હવે માત્ર તેમને ફિલ્મોમાં જ જોઇ શકીશું. સુશાંતે આત્મહત્યા કરી તે પાછળનું કારણ મેજર ડિપ્રેશનને માનવામાં આવી રહ્યું છે. સુશાંતના ગયા પછી કેટલા લોકો છે જે ખુલીને સામે આવી રહ્યા છે અને પોતે ડિપ્રેશનમાં હતા તેવુ કહી રહ્યાં છે. ત્યારે સ્પિટ્સવિલાની મૉડલ અનમોલ ચૌધરી સુશાંતને યાદ કરીને ધ્રુસકે ને ધ્રુસકે રડી પડી.
મૉડલ સુશાંતને યાદ કરીને રડી પડી
અનમોલે કહ્યુ ડિપ્રેશન ઘાતક છે
ચોધાર આંસુએ રડી પડી મૉડલ
અનમોલે કરેલા લાઇવમાં તેણે પોતાની વ્યથા કહી અને ચોધાર આંસુએ રડી પડી. તેણે કહ્યું કે ડિપ્રેશન મજાક નથી, જે ડિપ્રેશનમાંથી પસાર થાય છે તેને જ ખબર હોય છે કે તે શેનાથી લડી રહ્યો છે. 2019નુ વર્ષ તેના માટે ઘણુ ખરાબ રહ્યું હતુ, અનમોલનુ બ્રેક અપ થયુ અને પછી તે મેજર ડિપ્રેશનમાં ગરકાવ થઇ ગઇ હતી. તેણીએ તેના મિત્રોને ફોન કર્યો પરંતુ તેમણે અનમોલને ગાંડી ગણી અને તેની કોઇ જ હેલ્પ ના કરી. તેણે એક થેરાપિસ્ટનો નંબર મેળવ્યો અને તરત જ તેમને ફોન કરીને કહ્યું 'હું મરવા નથી માંગતી પ્લીઝ મને બચાવી લો'
તેણે દરેકને સલાહ આપી કે, તમે જ્યારે પણ લો ફીલ કરો ત્યારે કોઇ ફ્રેન્ડ કે ફેમિલી મેમ્બરને વાત કરો, ખુલીને વાત કરો કારણકે ડિપ્રેશન જીવ લઇ લે તેવુ હોય છે. અનમોલ સતત ગૂગલ કર્યા કરતી હતી કે કેવી રીતે આત્મહત્યાથી દૂર રહેવું. સુશાંત સાથે જે થયુ તે બીજા કોઇ પણ વ્યક્તિ સાથે થઇ શકે છે. સુશાંત કોઇને કહી ન શક્યો કે તે શુ અનુભવી રહ્યો છે અને પોતાની જાતને મોતને હવાલે કરી દીધી.
ડિપ્રેશનથી આઝાદ થવુ એકદમ સરળ છે. એક દોરી લો, તેને ગળા પર બાંધો અને લટકી જાઓ, પરંતુ આ કોઇ સમાધાન નથી. જીવન એક જ વાર મળે છે તેને ખુલીને જીવી લેવુ જોઇએ. અનમોલે દરેકને વિનંતી કરી કે જો તમારા મિત્રો કે પરિવારવાળા તમને ના સમજે તો પ્રોફેશનલ હેલ્પ લો. તેમાં કંઇ જ ખોટુ નથી, જીવ બચાવવાની એક તક તો મળવી જ જોઇએ.
અનમોલે કહ્યુ કે, સુશાંતના ગયા પછી દરેક લોકો સામે આવ્યા છે કે આમ કરવુ જોઇતુ હતુ, તેમ કરવુ જોઇતુ હતુ પરંતુ તે જ્યારે જીવતો હતો ત્યારે કોઇએ તેના ડિપ્રેશનને સમજ્યુ નહી અને હવે ખાલી વાતો કરવાથી કોઇ ફાયદો નથી. હવે બીજુ કોઇ સુશાંત ન બને તેનુ ધ્યાન રાખવાની જવાબદારી સૌની છે.
તેણે દરેકને અપીલ કરી કે, જો કોઇ તમારો મિત્ર તેના બ્રેક અપની સ્ટોરી 5 વાર કે 6 વાર કહે તો સાંભળી લો, તે માત્ર યાદોમાંથી બહાર આવવાનો પ્રયત્ન કરતા હોય છે. કોઇ પણ વ્યક્તિ તમારા ખભા પર માથુ મુકીને રડે તો તેને રડવા દો. તેને સારુ લાગશે.