ઋષિકેશ / શરીર વેચવાની ના પાડી તો કરી દીધી હત્યા, કેનાલમાંથી મળ્યો મૃતદેહ, આરોપીઓનાં રિસોર્ટ પર ફરી વળ્યું બુલડોઝર

• ઉત્તરાખંડના રિસોર્ટની હ્રદયદ્રાવક ઘટના 
• રિસેપ્શનિસ્ટ અંકિતા ભંડારીની હત્યા 
• ઋષિકેશમાં નહેર નજીકથી મળી આવી લાશ 

ઉત્તરાખંડના રિસોર્ટની રિસેપ્શનિસ્ટ અંકિતા ભંડારીના મામલામાં મોટો ખુલાસો થયો છે. આજે સવારે એટલે કે શનિવારે પોલીસને અંકિતાનો મૃતદેહ મળી આવ્યો છે. પોલીસ અને SDRFની ટીમે જિલ્લા પાવર હાઉસ નજીક શક્તિ કેનાલમાં સર્ચ ઓપરેશન હાથ ધર્યું હતું. 19 વર્ષની અંકિતા 18 સપ્ટેમ્બરથી ગુમ હતી. આ કેસમાં પોલીસે અત્યાર સુધીમાં રિસોર્ટ માલિક સહિત 3 લોકોની ધરપકડ કરી છે.

Uttarakhand | Visuals from Chilla canal in Rishikesh where the body of #AnkitaBhandari was recovered today.

The 19-yr-old receptionist was allegedly murdered by BJP leader Vinod Arya's son Pulkit Arya who has been now arrested along with other two accused pic.twitter.com/hOSSpGn2e3

— ANI UP/Uttarakhand (@ANINewsUP) September 24, 2022

પૌરી ગઢવાલ જિલ્લાના યમકેશ્વર વિધાનસભા વિસ્તારના એક ખાનગી રિસોર્ટમાં 19 વર્ષની  અંકિતા ભંડારી રિસેપ્શનિસ્ટ હતી. અંકિતા 18-19 સપ્ટેમ્બર સુધી ગુમ હતી. પોલીસ અને એસડીઆરએફની ટીમે જિલ્લા પાવર હાઉસ નજીક શક્તિ કેનાલમાં સર્ચ ઓપરેશન હાથ ધર્યું હતું.

BJP નેતાનાં દીકરાની ધરપકડ 
પોલીસે આ કેસમાં બીજેપી નેતાના પુત્ર પુલકિત આર્ય સહિત ત્રણ લોકોની ધરપકડ કરી છે. તમામને 14 દિવસની જ્યુડિશિયલ કસ્ટડીમાં મોકલી દેવામાં આવ્યા છે. અંકિતા જ્યાં કામ કરતી હતી તે રિસોર્ટનો ઓપરેટર પુલકિત આર્ય હતો. યુવતીના ગુમ થયા બાદ રિસોર્ટના સંચાલક અને મેનેજર ફરાર થઈ ગયા હતા.

Uttarakhand | Ankita Bhandari murder case: An SIT under Deputy Inspector General of Police P Renuka Devi has been formed to investigate the case: CM PS Dhami

19-yr-old receptionist was allegedly murdered by BJP leader Vinod Arya's son Pulkit Arya who has now been arrested pic.twitter.com/Jkn5C8dtmL

— ANI UP/Uttarakhand (@ANINewsUP) September 24, 2022

સીએમ ધામીએ કહ્યું- હ્રદયદ્રાવક ઘટનાથી મન વ્યથિત

CM પુષ્કર ધામીએ જણાવ્યું કે આજે સવારે દીકરી અંકિતાનો મૃતદેહ મળી આવ્યો હતો. આ હૃદયદ્રાવક ઘટનાથી મારું હૃદય ખૂબ જ દુઃખી છે. ગુનેગારોને કડકમાં કડક સજા મળે તે માટે ડેપ્યુટી ઈન્સ્પેક્ટર જનરલ ઓફ પોલીસ પી. રેણુકા દેવીના નેતૃત્વમાં SITની રચના કરવામાં આવી છે.

Uttarakhand | Ankita Bhandari murder case: Visuals from Vanatara resort in Rishikesh that was owned by BJP leader Vinod Arya's son Pulkit Arya who allegedly murdered Ankita Bhandari pic.twitter.com/cKHcdrfHqx

— ANI UP/Uttarakhand (@ANINewsUP) September 24, 2022

CM પુષ્કર ધામીએ જણાવ્યું કે ,'આ ગંભીર મામલે ઉંડાણપૂર્વક તપાસના આદેશ આપવામાં આવ્યા છે. આરોપીઓના ગેરકાયદેસર રીતે બનાવેલા રિસોર્ટ પર પણ બુલડોઝર દ્વારા કાર્યવાહી કરવામાં આવી છે. આ જઘન્ય અપરાધના ગુનેગારોને છોડવામાં આવશે નહીં.'

શું કહ્યું ડીજીપીએ ? 

રાજ્યના ડીજીપી અશોક કુમારે જણાવ્યું હતું કે, આ ખૂબ જ દુઃખદ ઘટના છે. લક્ષ્મણ ઝુલા પોલીસ સ્ટેશન વિસ્તારની નજીક એક ખાનગી રિસોર્ટ છે.  શ્રીકોટ ગામની એક છોકરી તેમાં કામ કરતી હતી. તે 5 દિવસથી ગુમ હતી. તેમણે વધુમાં જણાવ્યું હતું કે, રેવન્યુ પોલીસમાં ગુમ થવાની ફરિયાદ નોંધવામાં આવી હતી, જે પાછલા દિવસે જ નિયમિત પોલીસમાં ટ્રાન્સફર કરવામાં આવી છે. 24 કલાકમાં મુખ્ય આરોપી પુલકિત આર્ય સહિત ત્રણ આરોપીઓની લક્ષ્મણ ઝુલા પોલીસે ધરપકડ કરી આગળની કાર્યવાહી શરૂ કરી છે. 

પોલીસ આ રીતે ઉકેલ્યો ભેદ 

પોલીસ તપાસ દરમ્યાન વિસ્તારમાં લગાવેલા સીસીટીવી ફૂટેજ અને મોબાઈલ સર્વેલન્સના રેકોર્ડિંગ દ્વારા તમામ નિવેદનો તપાસવામાં આવ્યા હતા. આરોપીઓએ જણાવ્યું હતું કે, તેઓ 18 સપ્ટેમ્બરે ઋષિકેશથી ફર્યા બાદ પોતપોતાના રૂમમાં સૂઈ ગયા હતા. આ દરમ્યાન પોલીસે ઋષિકેશ જતા રસ્તા પરના સીસીટીવી ફૂટેજ ચેક કર્યા. આ વાતની પુષ્ટિ બેરેજ પર લાગેલા સીસીટીવી કેમેરા દ્વારા કરવામાં આવી હતી. આમાં ચાર લોકો જતા જોવા મળ્યા હતા. પરંતુ, પરત ફરતી વખતે સીસીટીવીમાં માત્ર ત્રણ જ લોકો કેદ થયા હતા. આ પછી પોલીસે પુલકિત સહિત ત્રણેય આરોપીઓને કસ્ટડીમાં લીધા હતા. કડકાઈથી પૂછપરછ કરી, પછી કહ્યું કે, રસ્તામાં કોઈ વાતને લઈને અંકિતા સાથે ઝઘડો થયો હતો. આ પછી આરોપીએ અંકિતા ભંડારીને પહાડી પરથી ગંગા તરફ ધકેલી દીધી હતી. જો કે હત્યા પાછળનું કારણ શું હતું તે અંગે પોલીસ હજુ તપાસ કરી રહી છે.