પૂર્વ લેગ સ્પીનર અનિલ કુંબલે ICC ક્રિકેટ કમિટીના અધ્યક્ષ પદે યથાવત

ટીમ ઇન્ડિયાના પૂર્વ લેગ સ્પિનર અનિલ કુંબલેને ફરી આઇસીસી ક્રિકેટ કમિટીના અધ્યક્ષ બનાવવામાં આવ્યા છે. કુંબલે હવે વધુ ત્રણ વર્ષ સુધી આઇસીસી ક્રિકેટ કમિટીના અધ્યક્ષ પદે યથાવત રહેશે. 2012માં કુંબલેને આઇસીસી ક્રિકેટ કમિટીના સભ્ય બનાવાયા હતા.
 

Anil Kumble has been re-appointed as Chairman of the International Cricket Council (ICC) Cricket Committee to serve for a final three-year term. (File pic) pic.twitter.com/oPaEHR9yDW

— ANI (@ANI) March 2, 2019

ઉલ્લેખનીય છે કે,  વર્ષ 2013માં તેઓ કમિટીના અધ્યક્ષ બનાવ્યા હતા. અનિલ કુંબલે આઇસીસી ક્રિકેટ કમિટીના સભ્ય અને અધ્યક્ષ બન્યા બાદ 2016માં તેઓ ભારતીય ક્રિકેટ ટીમના કોચ પણ બન્યા હતા. આઇસીસીની દુબઇમાં 6 દિવસીય બેઠક યોજાઇ હતી જેમાં કુંબલેને આઇસીસી ક્રિકેટ કમિટીના અધ્યક્ષ બનાવાયા છે.
 

ICC concluded 6 days of meetings in Dubai today. UAE & Scotland were selected as hosts of respective ICC Men’s & Women’s T20 World Cup Qualifier events. Scotland will host women’s event from 31 Aug to 7 Sep 2019 & UAE will host the men’s event from 11 October to 3 November 2019. pic.twitter.com/nssT11cmU5

— ANI (@ANI) March 2, 2019

આપને જણાવી દઇએ કે, અનિલ કુંબલેએ જૂન 2016માં રવિ શાસ્ત્રી અને ટોમ મૂડી જેવા 57 દિગ્ગજોને પછાડીને ટીમ ઇન્ડિયાના કોચ બન્યા હતા. તેમની નિમણૂંક સચિન તેંડૂલકર, સૌરભ ગાંગૂલી અને વીવીએસ લક્ષ્મણની BCCIની ક્રિકેટ સલાહકાર સમિતિએ કરેલ. જો કે, કેટલાક પ્રશ્નોને લીધે તેમણે ખુબ જ ટૂંકા સમયગાળામાં કોચ પદેથી રાજીનામું ધરી દીધું હતું.