રાહત / અનિલ અંબાણીના ખાતામાં આવશે એક ઝાટકે 5800 કરોડ, બસ સુપ્રીમ કોર્ટ ચુકાદો આપે એટલી વાર

• રિલાયન્સ ઇન્ફ્રાને દિલ્હી એરપોર્ટ એક્સપ્રેસ મેટ્રો કેસમાં મળી મોટી જીત
• કોર્ટ તરફથી મળેલી રાહતના પગલે રિલાયન્સ ઇન્ફ્રાના શેરમાં 5 ટકાનો ઉછાળો 
• આ નાણાંનો ઉપયોગ લોન ચૂકવવા માટે કરશે.

કોર્ટ તરફથી મળેલી રાહતના પગલે શેરમાં 5 ટકાનો ઉછાળો 

અનિલ અંબાણી જૂથની કંપની રિલાયન્સ ઇન્ફ્રાને દિલ્હી એરપોર્ટ એક્સપ્રેસ મેટ્રો કેસમાં મોટી જીત મળી છે.સુપ્રીમ કોર્ટે આ કેસમાં 2800 કરોડના આર્બિટ્રલ એવોર્ડને માન્ય રાખ્યો છે. કોર્ટે કહ્યું છે કે દિલ્હી મેટ્રો રેલ કોર્પોરેશન (DMRC) એ 2800 કરોડ રૂપિયા અને વ્યાજનું નુકસાન રિલાયન્સ ઇન્ફ્રાને ચૂકવવું પડશે. આ ઓર્ડર આવતા જ રિલાયન્સ ઇન્ફ્રાના શેરમાં 5 ટકાનો ઉછાળો આવ્યો. આ રીતે અનિલ અંબાણીની કંપનીને કુલ 5800 કરોડ રૂપિયા મળી શકે છે. અનિલ અંબાણી માટે આ મોટી રાહત છે. તાજેતરમાં તેમના જૂથ માટે ઘણા સકારાત્મક સમાચાર બહાર આવ્યા છે.

 લાંબા સમય બાદ અનિલ અંબાણી માટે રાહત

અનિલ અંબાણીની છેલ્લા ઘણા વર્ષોથી આર્થિક રીતે પરેશાન છે. તેમની ટેલિકોમ કંપની નાદાર થઈ ગઈ છે અને બીજી ઘણી કંપનીઓ પણ મુશ્કેલીમાં છે. જૂથ પર ઘણું દેવું છે, ત્યારે આવી સ્થિતીમાં કોર્ટ તરફથી મળેલી રાહતની આટલી મોટી રકમ મેળવવી ખૂબ જ સારી છે. કંપનીના વકીલે એક એજન્સીને કહ્યું કે તે આ નાણાંનો ઉપયોગ લોન ચૂકવવા માટે કરશે.

શું હતો સમગ્ર મામલો 

2008 માં, રિલાયન્સ ઈન્ફ્રાસ્ટ્રક્ચરના એકમે દિલ્હી એરપોર્ટ એક્સપ્રેસ મેટ્રો ચલાવવાનો કોન્ટ્રાક્ટ જીત્યો હતો. આ દેશનો પ્રથમ ખાનગી માલિકીનો મેટ્રો રેલ પ્રોજેક્ટ હતો, જે વર્ષ 2038 સુધીમાં રિલાયન્સ એડીએજી દ્વારા સંચાલિત થવાનો હતો. પરંતુ વર્ષ 2012 માં ફી અને અન્ય ઘણી બાબતોના વિવાદ બાદ અનિલ અંબાણીની કંપનીએ આ પ્રોજેક્ટનું કામ છોડી દીધું હતું. કંપનીએ કરારના ભંગ બદલ દિલ્હી એરપોર્ટ સામે લવાદનો કેસ દાખલ કર્યો છે અને તેને ટર્મિનેશન ફી ચૂકવવા માટે કહેવામાં આવ્યું છે.