જબરી ઘટના / 'ઓફિસમાં મોબાઈલ ચાર્જ ન કરતા', કંપનીના બોસે ચિઠ્ઠીમાં લખ્યું કારણ, 'કંજૂસાઈ' જોઈને લોકો ભડક્યા

• એક કંપનીના બોસે કર્મચારીઓ માટે બનાવ્યો અજીબ નિયમ
• ઓફિસમાં મોબાઈલ ફોન ચાર્જ ન કરો
• ઓફિસમા મોબાઈલ ચાર્જ કરવો વીજળીની ચોરી
• બોસની ચિઠ્ઠી વાયરલ થતા લોકો ભડક્યા

કોરોના કાળમાં ઓફિસોમાં કામ કરનાર તમામ પગારદાર લોકોને જ્યારે ઘેરથી કામ કરવાની તક મળી ત્યારે વર્ક ફ્રોમ હોમના નફા-નુકશાન અંગે દુનિયાભરમાં ચર્ચા ચાલી. આ દરમિયાન કંપનીઓના બોસે પણ તેના કર્મચારીઓ માટે ઘણા અજીબ નિયમો બનાવ્યાં. આ દરમિયાન તાજેતરમાં એક બોસની કર્મચારીઓને નામે એક નોટ વાયરલ થઈ છે જેમાં તેણે લખ્યું કે ઓફિસમાં મોબાઈલ ચાર્જ ન કરો. બોસે આ પાછળનું કારણ પણ જણાવ્યું. 

ઓફિસમાં મોબાઈલ ચાર્જ કરવો વીજળીની ચોરી 

હકીકતમાં કંપનીના બોસનો આ લેટર સોશિયલ મીડિયા સ્પેસ રેડિટ પર વાયરલ થયો છે તેમાં લખાયેલું છે કે કોઈ પણ કર્મચારી ઓફિસમાં મોબાઈલ ચાર્જ ન કરો કારણ કે આ એક પ્રકારની વીજળીની ચોરી છે. એવું પણ લખવામાં આવ્યું કે બધા પોતપોતાનો ફોન સ્વીસ ઓફ રાખે તો વધારે સારુ. નોટ વાયરલ થતા લોકોએ બોસને ભાંડવાનું શરુ કર્યું હતું. 

ધ રેડિટ પર એક કર્મચારીએ શેર કરી બોસની ચિઠ્ઠી 
આ નોટ તાજેતરમાં ધ રેડિટ પર એક કર્મચારીએ શેર કરી હતી, જેણે કહ્યું હતું કે આ નોટ તેના બોસ દ્વારા તેની ઓફિસમાં રાખવામાં આવી છે. નોટમાં ઓફિસ પરિસરમાં કોઈ મોબાઇલ ફોન અથવા અન્ય ઇલેક્ટ્રિકલ ઉપકરણો ચાર્જ ન કરવા વિશે લખવામાં આવ્યું છે. તેણે શેર કર્યું કે મારા બોસ દ્વારા લખાયેલી આ નોટ એક અનંત શ્રેણીની નોંધ છે.

બોસની આવી કંજુસાઈ જોઈને લોકો ભડક્યા
બોસની આવી કંજુસાઈ જોઈને લોકો ભડક્યા હતા. કેટલાક લોકોએ કહ્યું કે સારુ તો એ છે કે ત્યાં નોકરી જ ન કરવી જોઈએ. કેટલાક લોકોએ આ નોટ પોસ્ટ કરનાર કર્મચારીને નોકરી દેવાની સલાહ આપી જ્યારે બીજા કેટલાક લોકોએ આ ઘટનાની મજા માણી હતી.