ટેકનોલોજી / તમારા મોબાઇલમાંથી તાત્કાલિક આ એપ્લિકેશન ડિલીટ મારી દો, નહીં તો હેરાન થશો

આ એપ્સ ખાસ જાસૂસી માટે બનાવવામાં આવી છે. આ તમામ એપ્સ શેનઝેન સ્થિત ચીની કંપની હોક દ્વારા ડેવલપ કરાઇ છે. જેમાંની ઘણી ખાસ્સી પોપ્યુલર પણ છે અને 38.2 કરોડ વખત ડાઉનલોડ થઈ છે. હોકની આ માલવેર એપ્સની સૂચિમાં પહેલુ નામ તેની વેધર એપનું છે જેણે ચીનના સર્વર પર લાખો યુઝર્સનો ડેટા મોકલ્યો છે. 

આ એપ્લિકેશન ગુપ્ત રીતે બ્રાઉઝર દ્વારા ખુલી જાય છે અને એડનો મારો ચલાવે છે. આ પહેલા હોકની એપ્સનો વિવાદ થયો છે. ભારતીય સેનાને આ કંપનીની એપ્લિકેશનનો ઉપયોગ ન કરવાની સલાહ આપવામાં આવી હતી, જો કે આ તમામ એપ્લિકેશનો હજી પ્લે સ્ટોર પર હાજર છે. આ એપ્લિકેશન્સ, જ્યારે જરૂર ન હોય ત્યારે પણ મોબાઇલના કેમેરા, ફોન કોલ, રેડિયો, ઓડિઓ અને મેસેજ એકસેસ કરે છે.  તેથી તમારા ફોનથી હોક ડેવલપર્સની કોઇપણ એપ ડિલીટ કરી દેવી જોઇએ. 

હેકની જે જોખમી એપ પ્લે સ્ટોરમાં છે તેમાં.  Super Cleaner, Virus Cleaner 2019, File Manager, Joy Launcher, Turbo Browser (10M), Weather Forecast, Candy Selfie Camera, Hi VPN, Free VPN, Candy Gallery, Calendar Lite, Super Battery, Hi Security 2019, Net Master, Puzzle Box, Private Browser, Hi VPN Pro, World Zoo, Word Crossy!, Soccer Pinball, Dig it, Laser Break, Music Roam, Word Crush, Tap Sky, mie-alcatel.support, ViewYeah Studio, Hawk App, Hi Security, Alcatel Innovation Lab, Shenzen Hawk સમાવેશ થાય છે.