Coronavirus / ડૉક્ટર પાસે તપાસ માટે ગયો, કોરોનાના લક્ષણ છે એવું માની લીધું અને ભરી લીધું આ પગલું

• હૃદયના ધબકારાની ફરિયાદ લઈ ગયા હતા અને ડૉક્ટરોએ કહ્યું કોરોનાના લક્ષણો છે
• ડૉક્ટરોએ 2 દિવસમાં દર્દીને ઘરે મોકલી દીધા
• ગામ લોકોને બચાવવા આધેડે આત્મહત્યા કરી

ઝાડ પર ફાંસો ખાઈને આત્મહત્યા કરી લીધી 

આંધ્રપ્રદેશનાં ચિત્તુર જિલ્લાનાં તોટ્ટમબેડુ શેષમનાયુડુદુકન્ડ્રિગા ગામના 54 વર્ષીય બાલકૃષ્ણાએ સોમવારે આત્મહત્યા કરી લીધી હતી. તેઓ પોતાના ખેતરે જઈ તેમની માતાની કબર પાસે રહેલા ઝાડ પર ફાંસો ખાઈને આત્મહત્યા કરી લીધી હતી.

અધિકારીઓએ આ ફરિયાદ પર ધ્યાન આપ્યું નહોતું

શેષમનાયુડુદુકન્ડ્રિગા ગામના 54 વર્ષીય બાલકૃષ્ણા ધબકારાની ફરિયાદ લઈને તિરુપતિ રુયા હોસ્પિટલ ગયા હતા. ડૉક્ટરે તપાસ કરી તેમને જણાવ્યું હતું કે તમને કોરોનાના લક્ષણો છે. બાલકૃષ્ણા ત્યાં બે દિવસ સુધી હોસ્પિટલમાં દાખલ રહ્યાં હતાં. આ બાદ રવિવારે સાંજે તે ગામ પાછા ફર્યા હતા. તેમણે પરિવારજનોને કહ્યું હતું કે મને કોરોના વાયરસ છે. કોઈ મારી પાસે ન આવો. મને હાથ પણ ન લગાવો. 

એટલું જ નહીં જે તેમની પાસે આવે તેમને તે પથ્થર મારતા મારતા તેઓ ઘરની અંદર જતા રહ્યાં હતા. આ જોઈને પરિવારે અધિકારીઓને ફોન કરી આ અંગે જાણકારી આપી હતી પરંતુ અધિકારીઓએ આ ફરિયાદ પર ધ્યાન આપ્યું નહોતું.

ખેત

ર તરફ જવાનું કહી જતા રહ્યાં હતા

સોમવારે બાલકૃષ્ણા મકાનની બહાર આવ્યા અને ખેતર તરફ જવાનું કહી જતા રહ્યાં હતા. બાલકૃષ્ણને ઘરની બહાર આવેલા જોઈ તમામ લોકો ખુશ થયા હતાં. જોકે આ ખુશી થોડી જ વારમાં આઘાતમાં પરિણમી હતી. બાલકૃષ્ણાએ ખેતરમાં માતાની સમાધિ પાસે રહેલા ઝાડ પર રસ્સીથી ફાંસો ખાઈ આત્મહત્યા કરી લીધી હતી. બાલકૃષ્ણના આ નિર્ણયથી તેમના પત્ની, દીકરી અને 2 દિકરા પર આભ ફાટ્યું હતું. પોલીસ આ ઘટના અંગે તપાસ કરી રહી છે. 

આ લોકોની બેદરકારી હતી

સૂત્રોનું કહેવું છે કે ડૉક્ટરોનું મિસ કોમ્યુનિકેશન અને અધિકારીઓની બેદરકારીને લીધે આજે તેમનો જીવ ગયો છે. તેમને કોરોનાના લક્ષણ છે કહ્યા બાદ તેમના રિપોર્ટ નોર્મલ આવતા ડૉક્ટરોએ તેમનું યોગ્ય કાઉન્સેલિંગ કરી તેમને યોગ્ય માર્ગદર્શન પુરુ પાડ્યુ હોત તો આજે કે જીવતા હોત. જ્યારે પરિવાર જનોએ અધિકારીઓને જાણ કરી ત્યારે અધિકારીઓએ ધ્યાન આપ્યું હોત તો આજે દ્રશ્ય કંઈક અલગ હોત.