VIDEO / સાઉથ કોરિયાના રસ્તા પર મહિન્દ્રાને દેખાઈ ખાસ વસ્તુ, ગડકરીને આપી દીધી સલાહ

• આનંદ મહિંદ્રાએ સાઉથ કોરિયાનો વીડિયો શેર કર્યો 
• આનંદ મહિંદ્રા બીલ્યા - વાહ! શું આઈડિયા છે 
• મહિંદ્રાએ આ આઈડિયાને અપનાવવાની સલાહ આપી 

આનંદ મહિંદ્રાનું ટ્વીટ 

મહિંદ્રા ગ્રુપનાં ચેરમેન આનંદ મહિંદ્રા સોશિયલ મીડિયા પર ઘણા એક્ટીવ રહે છે તથા અવારનવાર પોતાના દિલચસ્પ ટ્વીટને લઈને ચર્ચામાં બન્યા રહે છે. આ વહતે તેમણે સાઉથ કોરિયાનો એક વીડિયો શેર કર્યો છે, જે જોઇને તેઓ ઘણા ઈમ્પ્રેસ થયા છે. આનંદ મહિંદ્રાએ વીડિયોમાં સડક પરિવહન તથા રાજમાર્ગ મંત્રી નીતિન ગડકરીને ટેગ કર્યા છે તથા ભારતમાં આ આઈડિયાને અપનાવવાની સલાહ આપી છે. 

સાઉથ કોરિયાનાં વીડિયોમાં શું છે ખાસ?
આનંદ મહિંદ્રાએ જે વીડિયો શેર કર્યો છે, તેમાં દક્ષિણ કોરિયાની ટ્રાફિક સિસ્ટમ બતાવવામાં આવી છે. આ વીડિયોમાં એક હાઈવે જોવા મળી રહ્યો છે, જેમાં બંને તરફ ગાડીઓ માટે રસ્તો છે, પરંતુ સડક વચ્ચે સોલર પેનલોથી ઢંકાયેલ એક સાઈકલ ટ્રેક જોવા મળે છે. આ ટ્રેકનો ફાયદો એ છે કે સાઈકલ ચલાવવાવાળા લોકો છાંયડામાં ચાલી શકે તથા તડકાથી બચાવ થઇ શકે. આટલું જ નહિ, સાઈકલ ચલાવવાવાળા લોકોએ ટ્રાફિકનો સામનો ન કરવો પડે તથા સરળતાથી સ્વચ્છ ઉર્જા પણ મળતી રહે. 

What an idea sirji… We have been doing similar things by covering canals, but this would substantially increase coverage. It’s worth looking at even if cyclists don’t use expressways…and who knows, maybe it’ll kick off a recreational cycling boom.. @nitin_gadkari https://t.co/zrZk8CqjFK

— anand mahindra (@anandmahindra) March 2, 2022

વાહ શું આઈડિયા છે - આનંદ મહિંદ્રા 
વીડિયો શેર કરી આનંદ મહિંદ્રાએ કેન્દ્રીય મંત્રી નીતિન ગડકરીને ટેગ કરતા લખ્યું છે કે વાહ! શું આઈડિયા છે. આપણે આમ જ નહેરોને ઢાંકીને કામ કરતા રહ્યા છીએ, પરંતુ આ પ્રકારે કવરેજનો દાયરો વધશે. આ જોવા લાયક છે, જોકે સાઈકલ ચલાવવાવાળા ભલે એક્સપ્રેસ વેનો ઉપયોગ ન કરે. તથા કોણ જાણે છે, કદાચ આ દિલચસ્પ પ્રકારે કામ કરીશું તો સાઈકલ ચલાવવામાં પણ વૃદ્ધિ આવશે. 

હાલમાં જ આપ્યો હતો એક શાનદાર આઈડિયા 
આનંદ મહિંદ્રાએ હાલમાં જ એક ઠેલાની તસવીર પણ શેર કરી હતી. આ ઠેલા પર મોટા અક્ષરોમાં લખ્યું હતું કે  'Oberoi Hotel.' આ તસવીર વચ્ચે લખ્યું હતું કે 'ચાય કોફી.' આ તસવીરની નીચે લખ્યું હતું કે 'નોટ: અમારી દિલ્લીમાં કોઈ બ્રાંચ નથી.' આ શેર કરતા આનંદ મહિંદ્રાએ લખ્યું કે 'બડા સપના દેખો...#Monday Motivation'