અમદાવાદ / લાંચિયા અધિકારીનો પર્દાફાશ : AMC પ્લાન પર પાણી ફેરવતો પશુખાતાનો PI લાંચ લેતા ઝડપાયો

• રખડતા પશુ ન પકડવા લાંચ માગતો PI ઝડપાયો 
• દિવાળી બોનસ પેટે 20 હજારની માંગી હતી લાંચ 
• રૂપિયા 10 હજારની લાંચ લેતા રંગે હાથે ઝડપાયા

રાજ્યમાં ભ્રષ્ટાચાર વધી રહ્યો છે ત્યારે ફરી ભ્રષ્ટઅધિકારી દ્વારા લાંચ માંગવામાં આવતો હોવાનો કિસ્સો સામે આવ્યો છે અમદાવાદમાં એક અધિકારી લાંચ લેતા રંગે હાથે ઝડપાયા છે. AMC પશુખાતામાં ફરજ બજાવતા PI ફારૂક કુરેશી લાંચ લેતા ઝડપાતા પોલીસ બેડામાં ખળભાળાટ મચી ગયો છે. 

 

 

રખડતા પશુ ન પકડવા લાંચ માગતો અધિકારી ઝડપાયો 

મહત્વનું છે કે શહેરમાં રડળતા ઢોરનો ત્રાસ વધી રહ્યો છે ત્યારે AMC દ્વારા ઢોર પકડવાની કાર્યવાહી કરવામાં આવતી હોય છે ત્યારે  PI એફ.એમ.કુરેશીએ ફરિયાદીના પશુઓ નહીં પકડવા અને કેસ નહીં કરવા માટે લાંચ માંગતો હોવાનુું સામે આવ્યું છે, PI ફરિયાદી પાસેથી દર મહિને રૂપિયા 10 હજારની માંગણી કરી હતી અને જો આમ ન કરે તો કેસ કરવાની પણ ધમકી આપી હતી.

 

દિવાળી બોનસ પેટે 20 હજારની માંગી હતી લાંચ 

જો કે સમગ્ર મામલે ફરિયાદીએ કાર્યવાહી કરતા લાંચની ઘટનાનો પર્દાફાશ થયો છે. PI એફ.એમ.કુરેશીએ ફરિયાદનીને ફોન કરીને હપ્તાના રૂપિયા 10 હજાર અને દિવાળી બોનસ એમ મળી કુલ 20 હજાર રૂપિયાની માંગણી કરી હતી જે બાદ ફરિયાદીએ લાંચ રૂસવિત શાખામાં PI સામે ફરિયાદ કરતા સમગ્ર મામલો સામે આવ્યો છે.  

 

રૂપિયા 10 હજારની લાંચ લેતા રંગે હાથે ઝડપાયા

જો કે આવે કેટલાય અધિકારીઓ હશે જે સિસ્ટમનો એક ભાગ બની ગયા હશે, જે AMCની કાર્યવાહીમાં પાણી ફેરવતા હશે, મહત્વનું છે કે અધિકારીઓની રૂપિયાની લાલચનો ભોગ સામાન્ય નાગરિકોને બનવુ પડતું હોય છે. ત્યારે આવા અધિકારીઓ સામે પ્રજામો રોષ જોવા મળી રહ્યો છે, લાંચિયા અધિકારીઓ સામે ક્યારે કાર્યવાહી હાથ ધરાશે તે હવે જોવાનું રહ્યું  ?