આપધાતનો પ્રયાસ / પ્રાથમિક શાળાની શિક્ષિકાએ ઘેનની ગોળીઓ ખાઈને કર્યો આપઘાતનો પ્રયાસ, સુસાઈડ નોટમાં લખ્યા 12 શિક્ષકોના નામ

• શિક્ષિકાએ ઘેનની ગોળીઓ ખાઈએ કર્યો આપઘાતનો પ્રયાસ 
• સુસાઈડ નોટમાં 12 શિક્ષિકનો નામ સાથે કર્યો ઉલ્લેખ 
• સ્ટાફના અન્ય શિક્ષકો શિક્ષિકાને કરતા હતા ટોર્ચર 
• માનસીક તણાવમાં આવી શિક્ષિકાએ કર્યો આપઘાતનો પ્રયાસ 

મહેસાણામાં પ્રાથમિક શાળાની શિક્ષિકાએ આપઘાતનો પ્રયાસ કર્યો હોવાનું સામે આવ્યું છે. જેના કારણે આ મુદ્દો હાલમાં ચર્ચાનું કેન્દ્ર બન્યો છે. શિક્ષિકા કડીના મેડાઆદર ગામમાં આવેલ શાળામાં ફરજ બજાવતી હતી અને આપઘાતના પ્રયાસ પાછળના કારણમાં તેણે એવું જણાવ્યું છે કે તેને સ્ટાફ ટોર્ચર કરતો હતો જેથી શિક્ષિકાએ આ પગલું ભર્યું છે. 

ઘેનની ગોળીઓ ખાઈને આપઘાતનો પ્રયાસ 

ઘેનની ગોળીઓ ખાઈને શિક્ષિકાએ આપઘાતનો પ્રયાસ કરી લીધો જોકે આપઘાતનો પ્રયાસ કરતા પહેલા તેણે એક સુસાઈડ નોટ લખી હતી. જે સુસાઈડ નોટમાં તેણે ઘણા બધાનો ઉલ્લેખ કર્યો છે. આ સિવાય શિક્ષિકા અને તેના ભાઈનું એક કોલ રેકોર્ડિંગ પણ સામે આવ્યું છે. સાથેજ આ સમગ્ર કેસમાં તેણે TPEO પુષ્પાબેનનો પણ ત્રાસ અંગે ઉલ્લેખ કર્યો છે. 

શિક્ષિકા પર કરતા હતા ભ્રષ્ટાચારનો આક્ષેપ 

શિક્ષિકાએ જે સુસાઈડ નોટ લખી છે તેમા કુલ 12 નામનો ઉલ્લેખ કરવામાં આવ્યો છે. જેઓ તેને માનસીક ત્રાસ આપતા હતા. જેના કારણે તેમણે આ પગલું ભર્યું છે. સાથેજ સુસાઈડ નોટમાં એવો ઉલ્લેખ પણ કરવામાં આવ્યો છે કે શિક્ષકો સાથે મળીને ભ્રષ્ટાચાર કરતા હતા. પરંતુ તેઓ શિક્ષિકા પર ભ્રષ્ટાચારનો આક્ષેપ કરી રહ્યા છે. 

અમદાવાદની હોસ્પિટલમાં સારવાર હેઠળ 

ઉલ્લેખનીય છે કે આ સમગ્ર મામલે શિક્ષિકાને એટલી ટોર્ચર કરવામાં આવી હતી કે તે માનસિક તણાવમાં આવી ગઈ હતી જેથી તેણે ઘેનની ગોળીઓ ખાઈને આપઘાત કરવાનો પ્રયાસ કર્યો. જોકે હાલ શિક્ષિકાન સહિ સલામત છે અને તે અમદાવાદમાં આવેલ ખાનગી હોસ્પિટલમાં સારવાર હેઠળ છે.