અકસ્માત / વટામણ ભાવનગર હાઈવે પર ગમખ્વાર અકસ્માત સર્જાતા 5 લોકોના મોત, 4ને ગંભીર ઈજા 

• વટામણ-ભાવનગર હાઇવે પર ગમખ્વાર અકસ્માત
• વારના ગામ પાસે કાર અને ટેન્કર વચ્ચે અકસ્માત
• અકસ્માતમાં 5 લોકોના ઘટના સ્થળે મોત, 4ને ગંભીર ઈજા 

આણંદના ગંભીર અકસ્માતની ઘટના સામે આવી છે જેમાં 5 લોકોના ઘટના સ્થળે જ મોત નિપજ્યા છે જ્યારે 4 લોકો ગંભીર રીતે ઈજાગ્રસ્ત થતા તેમને સારવાર અર્થે હોસ્પિટલ ખસેડવામાં આવ્યા છે..

વારના ગામ પાસે કાર અને ટેન્કર વચ્ચે અકસ્માત

વટામણ ભાવનગર હાઈવે પર ગમખ્વાર અકસ્માતની ઘટના સામે આવી, જેમાં પાંચ લોકોના કરુણ મોત નિપજ્યા છે.. હાઈવે પર ઈકો કાર અને ટેન્કર ધડાકાભેર અથડાતા ગોજારો અસ્માત સર્જાયો હતો.. જેમાં ઈકો કારના કચ્ચરઘાણ થઈ ગયા હતો જ્યારે કારમાં સવાર 5 લોકોના ઘટના સ્થળે જ મોત નિપજ્યા હતા.. તો અન્ય ચાર લોકોને ગંભીર ઈજા થતા તેમને તાત્કાલિક સારવાર અર્થે ખસેડવામાં આવ્યા હતા..

અકસ્માતમાં 5 લોકોના ઘટના સ્થળે મોત, 4ને ગંભીર ઈજા

વટામણ ભાવનગર હાઈવે પર ઈકો કાર અને ટેન્કર વચ્ચે સર્જાયેલા આ અકસ્માતમાં બાદ રોડ પર ટ્રાફિક જામ સર્જાયો હતો જો કે અકસ્માતની જાણ પોલીસને કરાતા પોલીસ કાફલો ઘટના સ્થળે આવી પહોંચ્યો હતો અને ટ્રાફિકને હળવો કરી આગળની કાર્યવાહી હાથ ધરી હતી.. પોલીસ મૃતકોને પીએમ અર્થે ખસેડીને પરિવારને જાણ કરી હતી.. અકસ્માતમાં મુત્યુ પામનાર તમામ લોકો ખંભાતના હોવાનું સામે આવ્યું છે જ્યારે અકસ્માતમાં અન્ય ઈજાગ્રસ્તોને સારવાર અર્થ હોસ્પિટલ ખસેડવામાં આવ્યા છે.