અમરેલીના ખડ ખંભાલીયા ગામે પાણી ભરેલા ખાડામાં પડી જતા 3 બાળકોના મોત નિપજ્યાં હતા જેને લઈને પરિવાર પર આભ ફાંટી પડ્યું છે.
અમરેલીના ખડ ખંભાલીયા ગામે કરુણાંતિકા
પાણી ભરેલા ખાડામાં પગ લપસી જતા પડ્યા બાળકો
ખેત મજૂરી કરીને પરત ફરતી વખતે બની દૂર્ઘટના
અમરેલીના ખડ ખંભાલીયા ગામે આજે કરુણાંતિકા સામે આવી હતી. ખડ ખંભાલીયામાં રહેતા ખેત મજૂર પરિવાર મજૂરી કરીને ઘરે પરત ફરી રહ્યો હતો આ વેળાએ દૂર્ઘટના સર્જાઇ હતી. મજૂર પરિવારના સદસ્યો આગળ જતા રહ્યા હતા અને બાળકો પછાળ ચાલીને જતા હતા. આ દરમિયાન બાળકોના પગ લપસી જતા 3 બાળકો પાણી ભરેલા ખાડામાં પડ્યા હતા. પગ લપસી જતા સર્જાયેલી આ ઘટના અંગે પરિવારજનોને જાણ ન થતાં બાળકો ડુબવા લાગ્યા હતા. ત્યારબાદ મજૂર પરિવારના સદસ્યને જાણ થતા તે પછાળ જોવા ગયા હતા. જ્યાં બાળકો ખાડામાં પડ્યા હોવાનું સામે આવતા દેકારો બોલી ગયો હતો. આથી એમ્બ્યુલન્સ અને પોલીસને જાણ કરાઇ હતી. જેમાં 3 બાળકોનું મોત નીપજ્યું હોવાનું સામે આવ્યું હતું.
માલપુરના અણીયોર પાસે વૃક્ષ ખાબકતાં યુવાનનું મોત
ગુજરાતમાં હવામાન વિભાગની આગાહી અનુસાર અરવલ્લી જિલ્લામાં એકાએક બદલાયેલા વાતાવરણ વચ્ચે ઉભરી આવેલા કાળા ડીબાંગ વાદળો વરસ્યા હતા.. અરવલ્લીના માલપુરના અણીયોર પાસે વૃક્ષ પડવાની ઘટના ઘટી. આ દુર્ઘટનામાં બાઇક ચાલકનું મૃત્યું થયું.. બાઇક ચાલક મોડાસાથી અણીયોર આવતો હતો તે સમયે આ ઘટના ઘટી.. ભારે પવન સાથે વરસાદને કારણે વૃક્ષ ધરાશાયી થયુ..
સુરત નજીક ચાલુ વરસાદે ટેમ્પો અને બાઇક વચ્ચે અકસ્માત
સુરતના મહુવા-બારડોલી રોડ પર આજે વધુ એક અકસ્માતની ઘટના સામે આવી છે. બે બાઈક અને એક ટેમ્પો સહિત ત્રણ વાહન વચ્ચે ધડકાભેર અકસ્માત સર્જાયો હતો. ચાલુ વરસાદને લઈને ટેમ્પો ચાલકે સ્ટેરિંગ પરનો કાબૂ ગુમાવી દેતા બે બાઇક સાથે અકસ્માત સર્જાયો હતો. આ ઉપરાંત વલસાડ જિલ્લાના કપરાડા નજીક બે ટ્રક વચ્ચે અકસ્માતમાં 3 ના મોત નિપજ્યાં હતા.
વૃક્ષ પડતા ઓટો રીક્ષા અને બાઈક ચાલક દબાયા, આબાદ બચાવ
રાજકોટમાં છેલ્લા બે દિવસથી અસહ્ય બફારાને કારણે અને વધતા જતા તાપમાનમાં લોકો અકળાયા હતા. જોકે આજે બપોરે વાતાવરણમાં પલ્ટો જોવા મળ્યો હતો. રાજકોટમાં ભારે પવન સાથે વરસાદના કારણે શહેરનાં અનેક વિસ્તારોમાં વૃક્ષો ધરાશાયી થયા... રાજકોટ સંત કબીર રોડ પર વૃક્ષ પડતા ઓટો રીક્ષા અને બાઈક ચાલક દબાયા જેમાં ત્રણ લોકોનો આબાદ બચાવ કરાયો.. ટ્રાફિક જામના દ્રશ્યો પણ જોવા મળ્યા. ફાયર ફાઈટર ઘટનાસ્થળે. રાજકોટના દૂધસાગર રોડ પર આવેલ ગુજરાત હાઉસીંગ બોર્ડ ખાતે ભારે પવનના કારણે પાર્ક કરાયેલી કાર પર વિજપોલ ધરાશાયી થતા કારને નુકસાન થયું..