બ્યૂટી ટિપ્સ / આમળાનો આવી રીતે કરશો ઉપયોગ તો સ્કીન અને હેર બંનેમાં જોવા મળશે ચમત્કાર

• આમળાનો રસ તમારી ડેડ સ્કીન સેલ્સને સાફ કરીને નવી સ્કીન લાવવામાં મદદ કરે છે
• આમળાનો રસ માથામાં લગાવવાથી ખોડા જેવી સમસ્યા દૂર થાય છે

આમળા ખાવાની સાથે સાથે બોડી પર લગાવવાથી ફાયદો આપે છે. એમાં રહેલ કેલ્શિયમ, કાર્બોહાઇડ્રેટ, ફાઇબર, મેગ્નેશિયમ, આયરન, વિટામીન સી વગેરે તમારી સ્કીન માટે ખૂબ જ ફાયદાકારક છે. ખાસ કરીને એમાં મળી આવતા એન્ટી-ઑક્સીડેન્ટ ગુણ વાળ માટે ખૂબ ફાયદાકારક છે. ચહેરા પર થતા પિંપલ્સથી લઇને રિંકલ્સ સુધી આમળાનો ઉપયોગ ખૂબ જ ફાયદો આપે છે. 

સ્કીન માટે આમળાનો રસ ફાયદાકારક 
આમળાનો રસ સ્કીન પર લગાવવાથી તમને ખૂબ જ ફાયદો મળે છે. આ તમારી ડેડ સ્કીન સેલ્સને સાફ કરીને નવી સ્કીન લાવવામાં મદદ કરે છે. આમળાનો ઉપયોગ ચહેરા પર કરવા માટે સૌથી પહેલા એક વાટકીમાં 2 ટેબલસ્પૂન આમળાનો રસ અને એલોવેરા જેલ લઇ લો. બંનેને યોગ્ય રીતે મિક્સ કરો. તૈયાર પેસ્ટને ચહેરા અને ગરદન પર 15-20 મીનિટ સુધી લગાવો. લગાવ્યા બાદ નવશેકા પાણીથી ચહેરાને ધોઇ નાંખો. 

વાળ માટે છે ઉપયોગી
વાળમાં આમળાનો રસ લગાવવાથી એને પોષણ મળે છે, જેનાથી તમારા વાળ નેચરલ રીતે મજબૂત થાય છે. મજબૂતીની સાથે સાથે આ વાળને ખોડો, ખણ, ઉંમર પહેલા સફેદી જેવી પરેશાનીઓથી બચાવીને રાખે છે. વાળ માટે આમળાનો પેક બનાવવા માટે એક બાઉલમાં 2 ટેબલસ્પૂન શિકાકાઇ, 1 ચમચી અરીઠા, 1 ચમચી એલોવેરા જેલ અને મુલ્તાની માટી નાંખો. હવે એમાં થોડો આમળાનો રસ નાંખીને સ્મૂધ પેસ્ટ બનાવી લો. તૈયાર હેર માસ્કને સ્કાલ્પથી સતત એક કલાક માટે મૂકી રાખો. આ પેક વાળને સિલ્કી, સૉફ્ટ કરવાની સાથે સાથે કાળા અને ગાઢ કરવામાં મદદ કરશે.