સોશ્યલ મીડિયા પર ફેન્સ અમિતાભની સલામતીની કામના કરી રહ્યા છે ત્યારે એક્ટરે ફરી બ્લોગ લખી કહ્યું કે તેઓએ આંખની સર્જરી કરાવી છે અને હેલ્થ અપડેટ પણ આપ્યું છે.
બીગ બીએ ફરી લખ્યો બ્લોગ
કહ્યું આંખોનીસર્જરી કરાવી છે
બીગ બીએ જાતે જ આપ્યું હેલ્થ અપડેટ
બોલિવૂડના મહાનાયક અમિતાભ બચ્ચનના અનેક ફેન્સ છે. 78 વર્ષના એક્ટરને કંઈ ન થાય તે માટે સૌ કૌઈ પ્રાર્થના કરે છે. આ સાથે તેમના સ્વાસ્થ્યને લઈને પણ ચિંતિત રહે છે. હાલમાં એક્ટરે સંકેત આપ્યો હતો તે તેમની તબિયત સારી નથી અને તેમની સર્જરી થવા જઈ રહી છે. જો કે આ કઈ સર્જરી છે તેનો તેઓએ ખુલાસો કર્યો ન હતો.
મેં આંખોની સર્જરી કરાવી છેઃ અમિતાભ
સોશ્યલ મીડિયા પર લોકોએ તેમની સલામતીની દુઆ કરી અને સાથે કઈ સર્જરી કરાવી રહ્યા છે તેને લઈને પણ અટકળો ચાલી રહી હતી. આ સમયે એક્ટરે ફરી પોતે બ્લોગ લખીને ખુલાસો કર્યો કે તેઓએ આંખોની સર્જરી કરાવી છે. આ સાથે તેઓએ પોતે જ હેલ્થ અપટેટ પણ આપ્યું છે.
જાણો અમિતાભે બ્લોગમાં શું લખ્યું
તેઓએ લખ્યું છે કે આ ઉંમરે આંખોની સર્જરી કેટલી ખતરનાક હોય છે અને કેટલી સાવધઆની રાખવી પડે છે. મારી આંખોની સર્જરી ઉત્તમ રીતે થઈ ચૂકી છે. મારી આઈ સાઈટ પર અસર પડી રહી છે અને રિકવરી પણ જરા ધીમી છે. આ સમયે મારાથી ટાઈપિંગમાં ભૂલ થાય તો ક્ષમા કરશો.
કહ્યું, પ્રોગ્રેસ ધીમી છે
બીગ બીએ પોતાની વાત ખતમ કરતાં કહ્યું કે દરેકને મારો પ્રેમ, પ્રોગ્રેસ ધીમો છે પણ અન્ય આંખનું ઓપરેશન પણ બાકી છે. આશા છે કે બધું વિકાસ બહલ સાથેના મારા પ્રોજેક્ટ ગુડ બાયના શરૂ થતા પહેલા જ સારી રીતે પતી જાય. વર્ષ 2020માં અમિતાભની તબિયત કોરોનાને કારણે ખરાબ થઈ હતી અને ફેન્સ ચિંતામાં આવી ગયા હતા. તેમની સલામતીની કામના કરી રહ્યા હતા. હોસ્પિટલથી પરત આવ્યા બાદ પણ તેઓ 2 અઠવાડિયા સુધી ક્વોરન્ટાઈન રહ્યા હતા અને સ્વસ્થ થયા બાદ કામ પર પરત આવ્યા હતા. હાલમાં તેઓ ઝુંડ, ચહેરા, બ્રહ્મસ્ત્ર, મેડેમાં પણ કામ કરી રહ્યા છે.