IPLIN
 

બોલિવૂડ / અમિતાભે 'બિગ બુલ' માટે અભિષેકના કર્યા વખાણ, તો યુઝર્સ ભડક્યા, કહ્યું- કેમ ખોટાં વખાણ કરો છો, પિતા હંમેશા...

Team VTV 06:18 PM, 16 Apr 21
Follow us
Amitabh Bachchan Praises Abhishek For His Role In The Big Bull And Wrote Pride Of A Father

અભિષેક બચ્ચન આજકાલ ફિલ્મ 'ધ બિગ બુલ'ના કારણે ચર્ચામાં છે. ત્યારે પિતા અમિતાભ બચ્ચને દિકરા માટે ગર્વ લીધો અને એક પોસ્ટ શેર કરી છે.

અભિષેક બચ્ચન ફિલ્મ 'ધ બિગ બુલ'ના કારણે ચર્ચામાં
અમિતાભ બચ્ચને દિકરા માટે એક પોસ્ટ શેર કરી
યુઝર્સ અમિતાભને કરવા લાગ્યા ટ્રોલ

હાલમાં જ અભિષેકની આ ફિલ્મ OTT પ્લેટફોર્મ પર રિલીઝ થઈ છે. જોકે, અમિતાભે અભિષેકના પોસ્ટની તસવીર શેર કરી છે અને પોતાને પ્રાઉડ પિતા ગણાવ્યા છે. અમિતાભ બચ્ચને અભિષેકની આ પોસ્ટનેશેર કરતાં લખ્યું, WHTCTW...વેલ ડન બડી...એક પિતાનો ગર્વ. જ્યારે દીકરો તમારા બૂટ પહેરવા લાગે ત્યારે તે દીકરો નથી રહેતો, મિત્ર બની જાય છે. માટે વેલડન બડી! PKRD.

અભિષેક બચ્ચને ફિલ્મ 'ધ બિગ બુલ'ને પ્રેમ આપવા માટે દર્શકોનો આભાર માન્યો છે. સાથે જ તેણે વીડિયો શેર કરતાં જણાવ્યું છે કે, OTT પ્લેટફોર્મ પર આ ફિલ્મ વર્ષની સૌથી મોટી ઓપનર બની છે. અભિષેકે આ તસવીર શેર કરતાં લખ્યું, મેં કહ્યું હતું મોટું વિચારો. તમે તો 'ધ બિગ બુલ'ને સૌથી મોટો ધડાકો બનાવી દીધી. તમારા સૌના પ્રેમ માટે આભાર.

જોકે, ઘણાં લોકોને અભિષેકની ફિલ્મ પસંદ આવી તો કેટલાક લોકોને જરા પર ગમી નહીં. અમિતાભની આ પોસ્ટ પર ઘણાં યુઝર્સે કહ્યું- આ શું બનાવી દીધું છે, તો કેટલાક યુઝરે કહ્યું કેમ ખોટાં વખાણ કરી રહ્યાં છો. બીજા એક યૂઝરે લખ્યું, "આ ફેક છે, કોઈએ ફિલ્મ જોઈ નથી. અન્ય એક યુઝરે લખ્યું સર બાપ હંમેશા પોતાના દીકરા વિશે સારું બોલે છે. 

તમને જણાવી દઈએ કે, 'ધ બિગ બુલ' શેરબજારના સૌથી મોટા ગોટાળાની વાર્તા છે, જે હર્ષદ મહેતા સાથે સંકળાયેલી છે. આ ફિલ્મને દર્શકોનો મિશ્ર પ્રતિસાદ મળી રહ્યો છે. ઘણાં લોકો 'ધ બિગ બુલ'ની તુલના આ જ વિષય પર બનેલી વેબ સીરિઝ 'સ્કેમ 1992' સાથે કરી રહ્યો છે. 'ધ બિગ બુલ'ની વાત કરીએ તો આ ફિલ્મમાં અભિષેક બચ્ચન ઉપરાંત સોહમ શાહ, ઈલિયાના ડિક્રૂઝ અને નિકિતા દત્તા જેવા કલાકારો છે.

Abhishek Bachchan Amitabh Bachchan TROLL
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ