કેન્દ્રીય ગૃહમંત્રી અમિત શાહનું ટ્વિટર એકાઉન્ટને થોડા સમય માટે લોક કરી દેવા મુદ્દે કંપની તરફથી પ્રતિક્રિયા આપવામાં આવી છે.
થોડા સમય માટે અમિત શાહની પ્રોફાઈલ તસવીર હટાવી દેવાઈ
કંપનીએ કહ્યું ત્રુટીના કારણે એકાઉન્ટ કરાયું હતું લોક
અજાણતા ભૂલ થઇ હોવાનું ટ્વિટરનું તારણ
કેન્દ્રીય ગૃહમંત્રી અમિત શાહની પ્રોફાઈલ તસવીર હટાવવામાં આવ્યા બાદ હવે ટ્વિટર તરફથી પ્રતિક્રિયા આપવામાં આવી છે કે અજાણતા આ ભૂલ થઇ છે. ટ્વિટરના પ્રવક્તાએ કહ્યું ત્રુટીના કારણે ગ્લોબલ કૉપીરાઈટ પોલીસીના કારણે અસ્થાઈ રૂપે લોક કરવું પડ્યું હતું.
Due to an inadvertent error, we temporarily locked this account under our global copyright policies. This decision was reversed immediately and the account is fully functional: Twitter Spokesperson on Home Minister Amit Shah's account being temporarily locked yesterday evening https://t.co/KVPkyo2Lic
પ્રવક્તાએ કહ્યું કે અજાણતા થયેલ ભૂલના કારણે ગ્લોબલ કૉપીરાઈટ પોલીસી હેઠળ અસ્થાઈ રૂપે અકાઉન્ટને લોક કરવામાં આવ્યું હતું, જોકે નિર્ણયને તરત પલટી દેવામાં આવ્યો છે અને અકાઉન્ટ હવે સંપૂર્ણ રીતે કામ કરી રહ્યું છે.
નોંધનીય છે કે ગુરુવારે અચાનક જ અમિત શાહની પ્રોફાઈલ તસવીર હટાવી દેવામાં આવી હતી, જે બાદ સોશ્યલ મીડિયા પ્લેટફોર્મ પર તે ચર્ચાનો વિષય બન્યો હતો. જોકે આ મુદ્દે ટ્વિટરે કોઈ વધારે જાણકારી આપી નથી.
જોકે મહત્વનું છે કે આ ઘટના તે જ દિવસે થઇ જ્યારે સરકાર તરફથી ટ્વિટર વિરુદ્ધ નોટીસ ફટકારવામાં આવી, લેહ લદાખને જમ્મૂ કાશ્મીરનો હિસ્સો બતાવવા પર કાયદાકીય કાર્યવાહી મુદ્દે આ નોટીસ પાઠવવામાં આવી હતી.