ગુજ'રાજ' 2022 / અમિત શાહની હોમ ટાઉન સીટ આ વખતે ભાજપ માટે પ્રતિષ્ઠાનો જંગ, જામશે ત્રિપાંખિયો જંગ, જુઓ સમીકરણ

• મણસા બેઠક બની ભાજપ માટે પ્રતિષ્ઠાની જંગ
• 2012 અને 2017ની ચૂંટણીમાં કોંગ્રેસ જીતી હતી
• ભાજપે આ વખતે જયંતી પટેલને આપી છે ટિકિટ

ગુજરાતમાં પૂરી તાકાત સાથે પ્રચંડ પ્રચાર કરી રહી છે. ભાજપ સતત ગુજરાતમાં જત મેળવી રહી અને ગુજરાતને પોતાનો ગઝ બનાવી દીધો છે પરંતુ આ વખતે ફરી જીત મેળવી અને સત્તા સંભાળી તે ભાજપ માટે પ્રતિષ્ઠા સમાન બની ગઈ છે પરંતુ આ ચૂંટણી સોથી વધુ ચર્ચાથી બેઠકો પૈકીની એક બેઠક માણસા પણ છે અને આ બેઠક કેન્દ્રીય ગૃહ મંત્રી અમિત શાહની હોમ ટાઉન બેઠક ગણાય છે તમને જણાવી દઈએ કે, આ સીટ ભાજપ લગાતાર બે લખત હારી છે.

અમિત શાહની હોમ ટાઉન માણસા બેઠક
અમિત શાહની હોમ ટાઉન ગણાતી સીટ માણસા છે તેમનો પરિવાર પહેલા અહી જ રહેતો હતો પરંતુ પાછળથી બિઝનેશ અર્થે અમદાવાદ સિફ્ટ થયો હતો. માણસા બેઠક ગાંધીનગર જિલ્લામાં આવેલી છે. અહી 5 ડિસેમ્બરે ચૂંટણી થવાની છે. આ બેઠક 2012 અને 2017ની ચૂંટણીમાં ભાજપે ગુમાવી હતી. 2012માં કોંગ્રેસના ઉમેદવાર અમિત ચૌધરીએ ભાજપના ઉમેદવાર ડી ડી પટેલને 8028 વોટથી હરાવ્યા હતો. 2017ની વાત કરીએ તો કોંગ્રેસમાંથી ભાજપમાં આવેલા ઉમેદવાર અમિત ચૌધરીને કોંગ્રેસના ઉમેદવાર સુરેશ પટેલે હરાવ્યાં હતાં અને આ બેઠકે કોંગ્રેસે 524 વોટથી જીતી હતી. 

આ બેઠક પ્રતિષ્ઠાની જંગ સમાન
આ વખતે ભાજપ આ બેઠક જીતવા માટે તમામ તાકાત લગાવી રહી છે. પાર્ટીએ આ વખતે ઉમેદવાર બદલાવીને જયંતી પટેલને મેદાને ઉતાર્યા છે. કોંગ્રેસ પક્ષ બાબુસિંહ ઠાકોરને ઉમેદાવર બનાવ્યા છે તો તીજી તરફ આમ આદમી પાર્ટીએ ભાષ્કર પટેલને ટિકિટ આપી છે. આ વખતે ભાજપ અને અમિત શાહ માટે આ બેઠક પ્રતિષ્ઠાની જંગ સમાન બનેલી છે. કેમ કે, 1995થી 2007 સુધી લગાતાર ભાજપ જ જીતી રહી છે. આ બેઠક પર વધુ મતદારોમાં પાટીદાર અને ઠાકોર છે.   
  
ભાજપનો પ્રચંડ પ્રચાર
ભાજપે આ ચૂંટણી બહુમતી સાથે જીતવા માટે કોંગ્રેસ, આમ આદમી પાર્ટી સાથે સીધો મુકાબલો છે. માટે જ ભાજપે આ વખતે સિનિયર નેતાઓની ફોજ ગુજરાતમા ઉતારી છે. વડાપ્રધાન મોદી,અમિત શાહ સહિતના કેન્દ્રિય નેતાઓની ટીમ પ્રચંડ પ્રચાર કરી રહી છે. તેમજ યુપીના મુખ્યમંત્રી અને તેમના મંત્રી મંડળના મંત્રી તેમજ વિવિધ સાંસદોની ટીમ ગુજરાતમાં પ્રચંડ પ્રચાર કરી રહી છે. 1995માં ભાજપ જ્યારે સત્તામાં આવી ત્યારે 121 સીટ જીતી હતી તેમજ 2002ની વિધાનસભાની ચૂંટણીમાં ભાજપ 127 સીટ જીતી હતી જેનું નેતૃત્વ નરેન્દ્ર મોદીના હાથમાં હતું જો વાત કરીએ 2007માં ભાજપને 117 અને 2012 115 બેઠકો મળી હતી તેમજ 2017માં 99 મળી હતી. ભાજપ લગાતાર સરકાર તો બનાવી રહી છે પરંતુ 2002 પછી ભાજપની બેઠકો સતત ઘટી રહી છે. વિધાનસભાની કુલ 182 બેઠકો છે જેમાંથી આ વખતે ભાજપે 140 બેઠકનો ટાર્ગેટ રાખેલો છે.