કેન્દ્રીય ગૃહ મંત્રી અમિત શાહ શુક્રવારે સાંજે BCCI પ્રમુખ અને કોલકાતાના પ્રિન્સ ગણાતા સૌરવ ગાંગુલીના નિવાસસ્થાને એક ડિનર પાર્ટીમાં હાજરી આપી હતી.
પશ્ચિમ બંગાળમાં ફરી રાજકારણ ગરમાયું
સૌરવ ગાંગુલીના ઘરે અમિત શાહે લીધું ડિનર
મમતા બેનર્જીએ કર્યો કટાક્ષ
કેન્દ્રીય ગૃહ મંત્રી અમિત શાહ શુક્રવારે સાંજે BCCI પ્રમુખ અને કોલકાતાના પ્રિન્સ ગણાતા સૌરવ ગાંગુલીના નિવાસસ્થાને એક ડિનર પાર્ટીમાં હાજરી આપી હતી. શાહે સૌરવ ગાંગુલીના ઘરે ડિનરમાં હાજરી આપતા પશ્ચિમ બંગાળમાં ફરી એકવાર નવી રાજકીય અટકળો તેજ થઈ રહી છે. પાર્ટીના સૂત્રોનું કહેવું છે કે, અગાઉ પણ ગાંગુલીને ભાજપમાં સામેલ કરવાની યોજના હતી, પરંતુ તે સમયે કેટલાક કારણોસર તે થઈ શક્યું ન હતું, પરંતુ હવે ફરી એકવાર ગાંગુલી ભાજપમાં જોડાય તેવી શક્યતા વધી ગઈ છે. આ દરમિયાન મમતા બેનર્જીએ પણ કટાક્ષ કર્યો છે. ગાંગુલીને મેસેજ આપવામાં આવ્યો હતો કે, શાહને બંગાળની પ્રખ્યાત વાનગી મિષ્ટી દોઈ ખવડાવવી જોઈએ.
ગૃહમંત્રી અમિત શાહ શુક્રવારે મોડી સાંજે સૌરવ ગાંગુલીના ઘરે પહોંચ્યા અને શાકાહારી ડિનર લીધું હતું. સૌરવ ગાંગુલી બીસીસીઆઈના પ્રમુખ છે અને અમિત શાહના પુત્ર જય શાહ બીસીસીઆઈના સચિવ છે. ગાંગુલીએ કહ્યું કે તે શાહને 2008થી ઓળખે છે.
Union Home Minister Amit Shah met with BCCI chief Sourav Ganguly and had dinner with him at his residence in Kolkata, West Bengal pic.twitter.com/dCn3TkgsT1
ભાજપના સૂત્રોનું કહેવું છે કે, પશ્ચિમ બંગાળ વિધાનસભા ચૂંટણી પહેલા સૌરવ ગાંગુલી ભાજપમાં જોડાવાના હતા, પરંતુ મામૂલી હાર્ટ એટેક પછી તેમણે સ્વાસ્થ્યની દેખરેખ કરવાનું પસંદ કર્યું અને તે સમયે તેમનો ભાજપમાં જોડાવાનો નિર્ણય પાછળ રહી ગયો. તે સમયે ભાજપ ગાંગુલીને પાર્ટીનો સીએમ ચહેરો બનાવવા પર વિચાર કરી રહી હતી. ગાંગુલી ભારતીય ક્રિકેટ ટીમનો સૌથી સફળ કેપ્ટન રહ્યો છે. પશ્ચિમ બંગાળમાં તેની મોટી ફેન ફોલોઈંગ છે. તેઓ કોલકાતાના પ્રિન્સ તરીકે પણ ઓળખાય છે. આવી સ્થિતિમાં ગાંગુલીને સાથે લઈને ભાજપ મમતા બેનર્જીના કિલ્લામાં ઘૂસવા માંગે છે અને લોકસભા ચૂંટણીમાં પણ લીડ લેવા માંગે છે. જણાવી દઈએ કે બંગાળમાં લોકસભાની 42 સીટો છે.
મમતાએ કર્યો કટાક્ષ
પશ્ચિમ બંગાળના સીએમ મમતા બેનર્જીએ અમિત શાહની ગાંગુલીના ઘરે ડિનર પાર્ટી પર કટાક્ષ કર્યો છે. તેમણે કહ્યું કે અમારી પાસે અમારા મહેમાનોનું દિલથી સ્વાગત કરવાની પરંપરા છે. હું સૌરવ ગાંગુલીને કહેવા માંગુ છું કે શાહને મિષ્ટી દોઈ (મીઠી દહીં) ખવડાવવી જોઈએ. મિષ્ટી દોઈ પશ્ચિમ બંગાળની પ્રખ્યાત વાનગી છે.
જણાવી દઈએ કે, સૌરવ ગાંગુલીના ઘરે જતા પહેલા અમિત શાહ કોલકાતાના વિક્ટોરિયા મેમોરિયલ હોલમાં સંસ્કૃતિ મંત્રાલય દ્વારા આયોજિત 'મુક્તિ-માત્રિકા' સાંસ્કૃતિક કાર્યક્રમમાં ભાગ લીધો હતો. આ કાર્યક્રમમાં સૌરવ ગાંગુલીની પત્ની ડોના ગાંગુલી અને તેની ટીમ દીક્ષા મંજરીનો નૃત્ય કાર્યક્રમ પણ જોવા મળ્યો હતો.