અમિત પંઘલ (Amit Panghal) બોક્સિંગ વર્લ્ડ ચેમ્પિયનશિપનાં ફાઇનલમાં પહોંચનારા પ્રથમ ભારતીય પુરૂષ પહેલવાન છે. અત્યાર સુધી પાંચ ભારતીય પુરૂષ પહેલવાનોએ વર્લ્ડ ચેમ્પિયનશિપમાં કાંસ્યચંદ્રક જીત્યો છે. વિજેન્દ્ર સિંહે 2009માં આ પરાક્રમ કર્યું હતું. જ્યારે વિકાસ કૃષ્ણનને 2011 અને શિવા થાપાએ 2015માં સેમીફાઇનલ સુધી સફર નક્કી કરી હતી.
Amit Panghal becomes 1st Indian to reach World Boxing Championships' finals
આ સિવાય ગૌરવ વિધૂડીએ 2017માં સેમીફાઇનલમાં પહોંચીને બ્રોન્ઝ મેડલ જીત્યા હતાં પરંતુ તે ભારતીયોનાં ચંદ્રકનો રંગ ન હોતા બદલી શક્યાં. આ વર્ષે મનીષ કૌશિકે પણ સેમીફાઇનલની સફર નક્કી કરી હતી પરંતુ શુક્રવારનાં રોજ ક્યૂબાનાં વર્તમાન વર્લ્ડ ચેમ્પિયનશીપ એન્ડી ક્રૂઝનાં હાથે 63 કિ.ગ્રાનાં સેમીફાઇનલમાં હારી જતા તેઓએ બ્રોન્ઝ મેડલથી જ સંતોષ માનવો પડ્યો.
અમિત પંઘલે કહ્યું કે, 'તેઓ પોતાનાં દેશ માટે સુવર્ણચંદ્રક જીતવા માટે પોતાનો પૂરો દમ લગાવી દેશે. મેચ બાદ અમિતે કહ્યું કે, જીતવાનું વિચારીને આવ્યો હતો, તેનાંથી પણ વધારે જોર લગાવવું પડ્યું. મારા મિત્રોઓ મને ખૂબ સપોર્ટ કર્યો છે અને એ માટે હું સૌનો આભાર વ્યક્ત કરું છું. અમારી બોક્સિંગ માટે આ ખૂબ મોટી સફળતા છે. હું સંપૂર્ણ કોશિશ કરીશ કે મારા દેશ માટે હું ગોલ્ડ મેડલ જીતી શકું.'