નવા વેરિએન્ટના સંકટની વચ્ચે આફ્રિકામાં એક રહસ્યમયી બિમારીના ફેલાવાની વાત સામે આવી છે.
આફ્રિકામાં એક રહસ્યમયી બિમારીના ફેલાવાની વાત સામે આવી
WHOએ પીડિતના નમૂના ભેગા કરવા એક રેપિડ રિસ્પોન્સ ટીમ મોકલી
રહસ્યમયી બિમારીના ફેલાવાથી અત્યાર સુધીમાં 89 મોત થયા
આફ્રિકામાં એક રહસ્યમયી બિમારીના ફેલાવાની વાત સામે આવી
કોરોનાના નવા વેરિએન્ટના સંકટની વચ્ચે આફ્રિકામાં એક રહસ્યમયી બિમારીના ફેલાવાની વાત સામે આવી છે. આ બિમારીથી દક્ષિણ સૂડાનના જોંગલેઈ રાજ્યના ઉત્તરી શહેર ફાંગકમાં અનેક લોકોના મોત થઈ ચૂક્યા છે. આ સમાચારે વિશ્વ સ્વાસ્થ્ય સંગઠનની ચિંતા વધારી છે. હવે WHOએ પીડિત લોકોના નમૂના ભેગા કરવા માટે વૈજ્ઞાનિકોની એક રેપિડ રિસ્પોન્સ ટીમ મોકલી છે.
WHOએ પીડિતના નમૂના ભેગા કરવા એક રેપિડ રિસ્પોન્સ ટીમ મોકલી
WHOના એક અધિકારીએ એક મીડિયાને જણાવ્યું કે જોખમને શોધવા માટે અને તપાસ કરવા માટે રેપિડ રિસ્પોન્સ ટીમ મોકલવામાં આવી છે. આ ટીમ લોકો પાસેથી સેમ્પલ ભેગા કરશે. હાલમાં અમને જે આંકડા મળ્યા છે. તે અનુસાર 89 મોત થયા છે. બિમારીથી અસરગ્રસ્ત વિસ્તારમાં હાલમાં આવેલ ભીષણ પુરથી સંપૂર્ણ રીતે અસરગ્રસ્ત વિસ્તારોમાંથી એક છે. તેમણે કહ્યું કે વૈજ્ઞાનિકોના ગ્રુપને આ કારણે હેલીકોપ્ટરના માધ્યમથી પ્રવેશ કરવો પડ્યો.
દક્ષિણ સૂડાનના ઉત્તરમાં આવેલું પૂર લોકો માટે વિનાસકારી સાબિત થયું
સુડાનમાં ભૂમિ, આવાસ અને સાર્વજનિક ઉપયોગિતા મંત્રી લેમ તુંગવાર કુઈગવોંગ અનુસાર જોંગલેઈની બોર્ડરને અડેલા રાજ્યોમાં ભયંકર પૂર અને મલેરિયા જેવી બિમારીઓ ફેલાવાને પ્રોત્સાહન મળ્યું છે. ભોજનની અછતના કારણે બાળકો કુપોષણનો શિકાર બની રહ્યા છે. તેમણે કહ્યું કે અહીં તેલથી પાણી પ્રદૂષિત થઈ ગયું છે. જેનાથી પાલતુ જાનવરોના મોત થયા છે. દક્ષિણ સૂડાનના ઉત્તરમાં આવેલું પૂર લોકો માટે વિનાસકારી સાબિત થયું છે.
પુરમાં લાખો લોકો અસરગ્રસ્ત
સંયુક્ત રાષ્ટ્ર શર્ણાર્થી એજન્સી યુએનએચસીઆરે કહ્યું કે દેશમાં લગભગ 60 વર્ષોમાં આવેલ સૌથી ભીષણ પુરથી લાખો લોકો અસરગ્રસ્ત થયા છે. જેના માટે જળવાયુ પરિવર્તનને જવાબદાર ગણાવવામાં આવ્યા છે. આ વિસ્તારમાં કામ કરનારા આંતરરાષ્ટ્રીય સંસ્થા મેડેકિન્સ સેન્સ ફ્રન્ટિયરેસે કહ્યું કે પુરના કારણે પાદા થયેલી આરાજક્તા હવે સ્વાસ્થ્ય સુવિધાઓ પર દબાણ વધારી રહી છે. ઉલ્લેખનીય છે આ સમયે દુનિયા કોરોનાના નવા વેરિએન્ટનો સામનો કરી રહી છે અને સંક્રમણના મામલા સતત વધવા લાગ્યા છે.