પૂર્વ આર્મી ઓફિસર અને ડિપ્લોમેટ નિવૃત્ત મેજર જનરલ સાદ ખટ્ટકે પાકિસ્તાની આમ આદમી પાર્ટીની રચના કરવાની જાહેરાત કરી છે.
પાકિસ્તાનમાં કેજરીવાલ છવાયા
પૂર્વ આર્મી ઓફિસરે આમ આદમી પાર્ટી બનાવી
ઈમરાનખાનની પાર્ટી સામે લડશે ચૂંટણી
પાકિસ્તાનમાં છેલ્લા કેટલાક દિવસોથી ઇમરાન સરકાર સામે ઘણો વિરોધ થઈ રહ્યો છે. પાકિસ્તાનની આર્થિક સ્થિતિને લઈને ઇમરાન ખાન સરકાર સામે મોટા પાયે વિરોધ પ્રદર્શન કરવા માટે જમાત-એ-ઇસ્લામી કમર કસી રહી છે. આ બધાની વચ્ચે પાકિસ્તાનમાં એક નવી પાર્ટીની જાહેરાત કરવામાં આવી છે જેની ચર્ચા થઈ રહી છે.
પૂર્વ આર્મી ઓફિસરે બનાવી પાકિસ્તાન આમ આદમી પાર્ટી
દિલ્હીના સીએમ અને આમ આદમી પાર્ટીના ચીફ અરવિંદ કેજરીવાલ હવે પાકિસ્તાનમાં પણ છવાયા છે. કેજરીવાલની આમ આદમી પાર્ટીમાંથી બોધપાઠ લઈને પાકિસ્તાનના પૂર્વ આર્મી ઓફિસર અને ડિપ્લોમેટ નિવૃત્ત મેજર જનરલ સાદ ખટ્ટકે પાકિસ્તાન આમ આદમી મૂવમેન્ટ (પાનમ) પાર્ટીની જાહેરાત કરી છે.
સામંતશાહી રાજકારણનો અંત લાવવા માટે પાન?
પૂર્વ આર્મી ઓફિસર અને ડિપ્લોમેટ નિવૃત્ત મેજર જનરલ સાદ ખટ્ટકે પાકિસ્તાન આમ આદમી મૂવમેન્ટ (પાનમ) પાર્ટીની જાહેરાત કરી છે. તેમણે કહ્યું કે તેમના પક્ષનો ઉદ્દેશ સામંતવાદી રાજકારણનો અંત લાવવાનો અને સામાન્ય માણસને સત્તામાં લાવવાનો છે.
પાર્ટી નવેમ્બર 2021માં નોંધાયેલી હતી
કરાચીમાં પાર્ટીનો પ્રારંભ કરતાં તેમણે કહ્યું હતું કે, હવે સમય આવી ગયો છે કે સામાન્ય લોકો પરિવારો, સામંતવાદીઓ અને મૂડીવાદીઓને દૂર કરીને પદભાર સંભાળે. તેમણે કહ્યું છે કે હાલની ન્યાય પ્રણાલી ન્યાય આપવામાં નિષ્ફળ ગઈ છે. પીએએએમએ નવેમ્બર ૨૦૨૧ માં પાકિસ્તાન ચૂંટણી પંચમાં પાર્ટીનું રજિસ્ટ્રેશન કરાવ્યું હતું. જો કે તેને ૧૬ જાન્યુઆરીએ કરાચીમાં લોન્ચ કરવામાં આવ્યું છે. પાનમના કાર્યકારી અધ્યક્ષ ઇમ્તિયાઝ અહમદે કહ્યું છે કે અમારી પાર્ટી વાસ્તવિક લોકશાહી પક્ષ તરીકે ઉભરી આવશે. તેમણે કહ્યું છે કે અમે મહિલાઓ અને યુવાનોને જોડીને પાકિસ્તાનમાં પરિવર્તન લાવવા માંગીએ છીએ.
ખટ્ટક કોણ છે?
જનરલ સાદ ખટ્ટક શ્રીલંકામાં પાકિસ્તાનના હાઈ કમિશનર રહી ચૂક્યા છે. તેમની 35 વર્ષની લશ્કરી કારકિર્દી દરમિયાન, ખટ્ટક ઘણી ઓપરેશનલ, તાલીમ, વ્યવસ્થાપક અને નેતૃત્વભૂમિકાઓ સાથે સંકળાયેલા છે. તેઓ બલુચિસ્તાન અને અગાઉ ફતામાં સુરક્ષા અને આતંકવાદ વિરોધી કામગીરીમાં સક્રિય રીતે સામેલ રહ્યા છે.