Coronavirus / કોરોનાના પગલે અમેરિકામાં જાહેર કરાઈ રાષ્ટ્રીય કટોકટી, ટ્રમ્પ સરકારે કરી આ ખાસ વ્યવસ્થા

• કોરોના વાયરસની દહેશત
• અમેરિકામાં રાષ્ટ્રીય કટોકટી જાહેર, 41 લોકોના મોત
• વિશ્વમાં કુલ 5120 લોકોના કોરોનાથી મોત

To unleash the full power of the Federal Government in this effort, today I am officially declaring a National Emergency. pic.twitter.com/yu2GBcxWD6

— Donald J. Trump (@realDonaldTrump) March 13, 2020

ટ્રમ્પે કરી આ જાહેરાત

અમેરિકાના રાષ્ટ્રપતિ ડોનાલ્ડ ટ્રમ્પે કોરોના વાયરસના ખતરાને રાષ્ટ્રીય કટોકટી જાહેર કરી છે. આ સાથે જ ટ્રમ્પના વહીવટીતંત્રે આ ખતરનાક ચેપનો સામનો કરવા અભૂતપૂર્વ આર્થિક અને વૈજ્ઞાનિક પગલાઓનો આશરો લીધો છે. રાષ્ટ્રપતિ ટ્રમ્પ જે આગામી કેટલાક મહિનામાં ચૂંટણી લડવા જઈ રહ્યા છે, તેઓ કોરોના વિશે કોઈ પણ પ્રકારની બેદરકારી લેવાનું ઇચ્છતા નથી.

કોરોના વાયરસથી અમેરિકામાં 41 લોકોના મોત

ટ્રમ્પે કહ્યું કે આ કાર્યવાહીથી તેમને કોરોના વાયરસ સામે લડવા માટે 50 બિલિયન ડોલરનું ફંડ મળશે. ટ્રમ્પે કહ્યું કે યુનાઇટેડ સ્ટેટ્સની કેન્દ્રિય, પ્રાદેશિક અને સ્થાનિક એજન્સીઓ આ ભંડોળનો ઉપયોગ કોરોના વાયરસથી થતા ચેપને રોકવા માટે કરશે. કોરોના વાઇરસના કારણે અમેરિકામાં 41 લોકોના મોત થયા છે. જ્યારે 1740 લોકોને ચેપ લાગ્યો છે. વર્લ્ડ હેલ્થ ઓર્ગેનાઇઝેશન દ્વારા ચેતવણી આપવામાં આવી છે કે, યુરોપ હવે કોરોના વાઈરસ મહામારીનું કેન્દ્ર બની ગયું છે. દુનિયાભરમાં કોરોના વાઈરસથી 5120 લોકોના મોત થયા છે.

ટ્રમ્પ વહીવટી તંત્ર કોરોના સામે લડવા માટે કરશે આટલો ખર્ચ

અમેરિકન રાષ્ટ્રપતિએ કહ્યું કે રાષ્ટ્રીય કટોકટી એ ખૂબ મોટા શબ્દો છે. તેમણે કહ્યું કે આ પગલાથી યુએસ સરકારની સંપૂર્ણ શક્તિનો ઉપયોગ આ રોગ સામે લડવા માટે કરવામાં આવશે. ટ્રમ્પના આ પગલાથી કુબેરનો ખજાનો અમેરિકન વહીવટીતંત્ર માટે ખુલી ગયો છે. રાષ્ટ્રીય કટોકટીના અમલ સાથે, ટ્રમ્પ વહીવટીતંત્ર 50 બિલિયન ડોલર એટલે કે લગભગ 37 ટ્રિલિયન રૂપિયા કોરોના વાયરસ સામે લડવા માટે ખર્ચ કરી શકશે. 

1 કલાકમાં જ આવી જશે કોરોનાનો ટેસ્ટ

મળતી માહિતી અનુસાર ટ્રમ્પ વહીવટીતંત્રએ એક પરીક્ષણ વિકસિત કરતી બે કંપનીઓને 13 લાખ ડોલર ચૂકવવાની જાહેરાત કરી છે, જેનાથી  એક કલાકમાં જ ખ્યાલ આવી શકે છે કે એક વ્યક્તિ કોરોના વાયરસથી પીડિત છે કે નહીં.

20 વર્ષ બાદ હેલ્થ ઈમરજન્સીનું આવ્યું એલાન

યુએસ વિરોધી પક્ષો ટ્રમ્પ વહીવટ પર આરોપ લગાવી રહ્યા છે કે સરકાર કોરોના સાથે વ્યવહાર કરવા માટે પૂરતી વ્યવસ્થા કરી રહી નથી. આ પછી ટ્રમ્પે 1988ના કાયદા હેઠળ કોરોનાના ચેપને રાષ્ટ્રીય કટોકટી તરીકે જાહેર કરવાનો નિર્ણય કર્યો છે.