અફઘાનિસ્તાનમાં અમેરિકન સેના દ્વારા મોટી કાર્યવાહી કરવામાં આવી છે.
અમેરિકાએ આઈએસ આતંકીઓની વિરુદ્ધ એર સ્ટ્રાઈક કરી
અફઘાનિસ્તાનમાં ISIS-Kના અડ્ડા પર અમેરિકન સેનાએ હવાઈ હુમલો કર્યો
અમેરિકન સેનાએ કાબૂલ બ્લાસ્ટના ષડયંત્ર કર્તાને ઠાર કર્યા
અમેરિકાએ આઈએસ આતંકીઓની વિરુદ્ધ એર સ્ટ્રાઈક કરી
કાબૂલ બ્લાસ્ટના જવાબમાં અમેરિકન સેનાએ અફઘાનિસ્તાનમાં આઈએસ આતંકીઓની વિરુદ્ધ એર સ્ટ્રાઈક કરી છે. મનાઈ રહ્યું છે કે માનવરહિત વિમાનથી નાંગરહારમાં ISIS-Kના અડ્ડા પર અમેરિકન સેનાએ હવાઈ હુમલો કર્યો છે. દાવો છે કે અમેરિકન સેનાએ કાબૂલ બ્લાસ્ટના ષડયંત્ર કર્તાને ઠાર કર્યા છે. જોકે આ હુમલાથી ISISને કેટલું નુકસાન થયું છે તેની જાણકારી નથી મળી.
કાબૂલ એરપોર્ટ પર ફરી આતંકી હુમલો થઈ શકે
એરસ્ટ્રાઈક બાદ અમેરિકાએ કાબૂલ એરપોર્ટથી લોકોને હટવવા માટે કહ્યું છે. અમેરિકાને આશંકા છે કે કાબૂલ એરપોર્ટ પર ફરી આતંકી હુમલો થઈ શકે છે.
કેપ્ટન અર્બને કહ્યું કે અમે માનવરહિત હુમલા અફઘાનિસ્તાનના નાનગહર પ્રાંતમાં કર્યો છે. તેમણે જાણકારી આપી કે શરુઆતમાં સંકેત મળ્યા છે કે અમે લક્ષ્યને ખતમ કરી નાંખ્યા છે. અમને કોઈ સામાન્ય નાગરિકના મોતની જાણકારી નથી. એરપોર્ટ પર થયેલા વિસ્ફોટને 2 દશકનો સૌથી મોટો હુમલો ગણવામાં આવી રહ્યો છે. વ્હાઈટ હાઉસ પ્રેસ સચિવ જેન સાકીએ શુક્રવારે જણાવ્યું કે અમેરિકન અધિકારીઓનું માનવું છે કે કાબૂલમાં વધુ એક આતંકી હુમલાથી શક્યતા છે. તેમણે કહ્યું કે જોખમ પણ જારી છે અને આ સક્રિય છે અમારા સૈનિક હજું પણ સંકટમાં છે.
એરલિફ્ટની છેલ્લી તારીખ પહેલા વધારે લોહી વહી શકે
વ્હાઈટ હાઉસ અને પેન્ટાગને ચેતવણી આપી છે કે અમેરિકન દળોની વાપસી અને એરલિફ્ટને બંધ કરવાની તારીખ નજીક આવી રહી છે તે પહેલા વધારે લોહી વહી શકે છે. સાકીએ કહ્યું કે એરલિફ્ટની પ્રક્રિયા આવનારા કેટલાક દિવસ અમારા માટે સૌથી કપરા હશે.