ખુલી ગયુ નસીબ / આને કે'વાય ઉઘડી ગયા નસીબ! પતિ સાથે વૉક કરવા ગયેલી મહિલાને મળી એવી ચીજ કિંમત જાણીને ચોંકી જશો

• અમેરિકામાં એક મહિલા પોતાના પતિ સાથે ફરવા ગઇ હતી
• પાર્કમાં ફરતા-ફરતા મહિલાને ચમકતો પત્થર મળ્યો
• બાદમાં હીરો હોવાની જાણ થતાં મહિલા ઉત્સાહિત બની

આનંદનો કોઈ પાર રહ્યો ન હતો

જ્યારે મહિલાએ હાથમાં પકડીને આ વસ્તુને જોયુ તો તે કિમતી હીરો નિકળ્યો. દંપત્તિને વિશ્વાસ આવતો નથી કે તેમને આટલો કિમતી હીરો પણ મળી શકે. એક રિપોર્ટ મુજબ, અમેરિકામાં રહેતી નોરેન વેડબર્ગ પોતાના પતિ માઈકલની સાથે અર્કાસસ ક્રેટર ઓફ ડાયમંડ્સ સ્ટેટ પાર્કમાં ફરી રહી હતી. આ દરમ્યાન તેમને જમીન પર ચમકતી ચીજ વસ્તુ મળી. નોરેનને ત્યારે ખબર પડી નહીં કે આ હીરો છે. જ્યારે તેને આ બાબત વિશે જાણ થઈ તો તે ઉત્સાહથી ઝૂમી ઉઠી હતી.

કિંમતનો ખુલાસો થયો નથી

નોરેન અને માઈકલ હીરાને લઇ ડાયમંડ ડિસ્કવરી સેન્ટર ગયા. જ્યાં અધિકારીઓેએ આ હીરાની ઓળખ કરી તો તેઓ અવાચક થઇ ગયા. આ ચમકતો પત્થર એક મોટો અને કિમતી હીરો નિકળ્યો. 4.38 કેરેટના આ દુર્લભ હીરાની કિંમતનો ખુલાસો થયો નથી. પરંતુ જણાવવામાં આવી રહ્યું છે કે આ ખૂબ મૂલ્યવાન હીરો છે.

આવી છે પાર્કની પોલિસી

ડાયમંડ ડિસ્કવરી સેન્ટરના અધિકારીઓએ જણાવ્યું કે 4.38 કેરેટના વજનવાળો હીરો છેલ્લે ઓક્ટોબર બાદ પાર્કમાં મળતો સૌથી મોટો હીરો છે. ઉલ્લેખનીય છે કે, પાર્કની પોલિસી અનુસાર, વિઝીટર્સને જો પાર્કમાં જે કંઈ પણ મળે છે તો તેઓ તેની પાસે રાખી શકે છે. 1906થી લઇને અત્યાર સુધી 75,000થી વધુ હીરા અહીં શોધાયા છે.