- NASA એ પોતાના વિશાળકાય ન્યૂ મૂન રોકેટની તૈયારી કરી
- તેમનું મિશન ભવિષ્યમાં અવકાશયાત્રીઓને ચંદ્ર પર મોકલવાનું
- 29 ઓગસ્ટના દિવસ નાસા ઉડાન માટેનું પરીક્ષણ કરશે
અમેરિકી અંતરિક્ષ એજન્સી નાસા હવે પોતાની પહેલી ઉડાન માટે પોતાના વિશાળકાય ન્યૂ મૂન રોકેટની તૈયારી કરી રહી છે. સ્પેસ લોન્ચ સિસ્ટમ તરીકે ઓળખાતા આ રોકેટને 29 ઓગસ્ટના રોજ તેની નિર્ધારિત ફ્લાઇટ માટે ફ્લોરિડાના કેનેડી સ્પેસ સેન્ટર ખાતે 39બી પેડ પર લઇ જવામાં આવી રહ્યું છે. આ એક ડેબ્યૂ આઉટિંગ ટેસ્ટ હશે, જેમાં કોઈ ક્રૂ નહીં હોય, પરંતુ ભવિષ્યના મિશનમાં નાસા આ વિમાનની મદદથી અવકાશયાત્રીઓને ચંદ્ર પર પાછા મોકલશે.
15 ટકા વધુ થ્રસ્ત ઉત્પન કરશે
100 મીટર લાંબા આ વિશાળ રોકેટને લોન્ચિંગ પેડ સુધી લાવવા માટે જે વાહનનો ઉપયોગ કરવામાં આવી રહ્યો છે તે માત્ર એક કિલોમીટર પ્રતિ કલાકની ઝડપે પોતાનું અંતર કાપી રહ્યું છે. રિપોર્ટ અનુસાર, આ 6.7 કિમીની યાત્રા પૂર્ણ થવામાં 8-10 કલાકનો સમય લાગી શકે છે. નાસાના જણાવ્યા અનુસાર, તેનું મોટું કદ મોટી ઊર્જા ઉત્પન્ન કરવામાં મદદ કરે છે. એસએલએસ એપોલોના સેટર્ન વી રોકેટ કરતા 15 ટકા વધુ થ્રસ્ટ ઉત્પન્ન કરે છે. આ વધારાના જબરદસ્ત જોરથી વાહનને પૃથ્વીથી દૂર અવકાશયાત્રીઓ મોકલવામાં મદદ મળશે એટલું જ નહીં, પરંતુ આ ઉપરાંત, વધુ સાધનો અને કાર્ગો ક્રૂ લાંબા સમય સુધી પૃથ્વીથી દૂર રહી શકશે.
ચંદ્ર પર પહેલી મહિલાને ઉતારશે
તેની ક્રૂ કેપ્સ્યુલ પણ ક્ષમતામાં એક પગલું આગળ છે. આ કેપ્સ્યુલને ઓરિયન કહેવામાં આવે છે, તે 1960 અને 70ના દાયકાના ઐતિહાસિક કમાન્ડ મોડ્યુલ્સ કરતા વધુ પહોળા હોવાને કારણે વધુ વિશાળ છે. નાસાએ કહ્યું છે કે આ મિશન દ્વારા તેઓ ચંદ્ર પર પહેલી મહિલાને ઉતારશે. સ્પેસ એજન્સીએ વધુમાં જણાવ્યું હતું કે એસએલએસ તેના લોન્ચ પેડ પર પહોંચતા જ એન્જિનિયરોને તૈયારી માટે માત્ર દોઢ સપ્તાહનો સમય મળશે. નાસાએ પરીક્ષણ ઉડાન માટે 29 ઓગસ્ટનો દિવસ નક્કી કર્યો છે. તેમજ 2 સપ્ટેમ્બર અને 6 સપ્ટેમ્બરના દિવસોને પણ સ્ટેન્ડ બાય રાખવામાં આવ્યા છે.
ચંદ્ર પાસે જઈને પૃથ્વી પર પરત ફરશે
આ રોકેટ ચંદ્રની આસપાસ ફરશે અને પૃથ્વીના વાતાવરણમાં પ્રવેશ કરશે, જ્યાં રોકેટ કેલિફોર્નિયાથી દૂર પ્રશાંત મહાસાગરમાં ક્રેશ થશે. આ પરીક્ષણ દ્વારા નાસા રોકેટ પર પૃથ્વીના વાતાવરણમાં પ્રવેશ્યા બાદ હીટશિલ્ડ પર શું અસર પડે છે તેની પણ તપાસ કરશે. પરિક્ષણ પાસ કર્યા બાદ નાસા ચંદ્ર પર પોતાના મિશનની તૈયારી શરૂ કરી દેશે.
અન્ય 10 દેશો સાથે કામ કરી રહ્યા છે
નાસાની સાથે યુરોપના દસથી વધુ દેશો પણ આ મિશનમાં સામેલ છે. નાસાના આ મિશનમાં યુરોપ રોકેટના પ્રોપલ્શન મોડ્યુલ પર કામ કરી રહ્યું છે, જે રોકેટને આગળ વધારવામાં મદદ કરશે. એરોસ્પેસ નિર્માતા એરબસના સાયન ક્લીવરે જણાવ્યું હતું કે યુરોપના 10 થી વધુ દેશો આ યુરોપિયન સ્પેસ એજન્સી સાથે કામ કરી રહ્યા છે. યુરોપની સ્પેસ એજન્સી જે મોડ્યુલ પર કામ કરી રહી છે તે રોકેટને ચંદ્ર સુધી પહોંચવામાં મદદ કરશે.
