લોલંલોલ / ખાનગી કંપનીઓનો કચરો ઉઠાવવા માટે AMC ગાડીઓનો વપરાશ

અમદાવાદ મ્યુનિસિપલ કોર્પોરેશને ડોર ટુ ડોર કચરો ઉઠાવવાનું અભિયાન તો શરૂ કર્યું છે. પરંતુ જે ગાડીઓને ડોર ટુ ડોર કચરો ઉઠાવવાની જવાબદારી સોંપવામાં આવી છે.. તે ડોર ટુ ડોર કરચો નથી ઉઠાવી રહી. પરંતુ ખાનગી કંપનીઓની ફેક્ટરીનો વેસ્ટ કેમિકલનો કચરો ઉઠાવી રહી છે.. જેનો એક વીડિયો સામે આવ્યો છે. આ વીડિયો શહેરના બહેરામપુરાના ખોડ઼િયારનગર ચાર રસ્તા વિસ્તારનો માનવામાં આવી રહ્યો છે. વીડિયોમાં સ્પષ્ટ પણે જોઈ શકાય છે કે, કચરો ઉઠાવવાના બદલે AMCની ગાડી ખાનગી કંપનીની વેસ્ટ ઉઠાવી રહી છે. આ વીડિયોને જોતા AMCની કામગીરી સામે અનેક સવાલો ઉઠી રહ્યા છે. કારણ કે, જે ગાડીઓને શહેરને સ્વચ્છ રાખવા માટે તેમજ લોકોના ઘરે જઈ કચરો ઉઠાવવા માટે ફાળવવામાં આવી છે, તે ગાડીઓ આવી રીતે લોકોના ઘર સુધી ન પહોંચી ખાનગી કંપનીઓ સુધી પહોંચે છે. ત્યારે સવાલ એ થાય કે, શું ખાનગી કંપનીઓના કચરા ઉઠાવવા માટે AMCએ આ ગાડીઓ રાખી છે.? કોની મહેરબાનીથી AMCની આ ગાડીઓ ખાનગી કંપનીનો કેમિકલ યુક્ત કચરો ઉઠાવી રહી છે. શું કોર્પોરેશનના સત્તાધિસોની રહેમ નજર હેઠળ આ કારસ્તાન ચાલે છે.  આવા અનેક સવાલો પણ ઊઠી રહ્યા છે.