અમદાવાદ / AMC એક્શનમાં: જાણીતા બે કોન્ટ્રાકટરને કરી દીધા બ્લેકલિસ્ટ, કામો લટકાવવામાં હતા માહેર, જાણો વિગત

• AMC બે કોન્ટ્રાકટરને કર્યા બ્લેકલિસ્ટ 
• જ્યોતિ ઇન્ફ્રાટેક અને વંદેમાતરમ પ્રોજેક્ટ્સને બ્લેકલિસ્ટ કરી
• કામોમાં બંને કોન્ટ્રાકટર દ્વારા કરાયો હતો વિલંબ 

અમદાવાદ મહાનગરપાલિકાનો કડક વલણ સામે આવ્યો છે, કર્પોરેશન બે કોન્ટ્રોક્ટરને બ્લેકલિસ્ટ કર્યા જેમાં જ્યોતિ ઈન્ફ્રાટેક અને વંદેમાતરમ પ્રોજેક્ટ્સ લિમિટેડને બ્લેકલિસ્ટ કર્યા છે તેવી વિગતો સામે આવી છે. 

બંન્ને કંપનીને બ્લેકલિસ્ટ કરાઈ 
જ્યોતિ ઇન્ફ્રાટેક અને વંદેમાતરમ પ્રોજેક્ટ્સ લિમિટેડને AMCના 500 કરોડથી વધુના કામો લટકાવવા બદલ બ્લેકલિસ્ટ કરવામાં આવ્યા છે. હાઉસિંગ પ્રોજેક્ટના કામોમાં બંને કોન્ટ્રાકટર દ્વારા વિલંબ કરાયો હતો. જે મામલે અગાઉ મળેલી કોર્પોરેશનની બેઠકમાં બંન્ને વિરૂદ્ધ કાર્યવાહી કરવા દરખાસ્ત મુકાઈ હતી જે બાદ આજે તે બંન્ને કંપનીને બ્લેકલિસ્ટ કરાઈ છે. જ્યોતિ ઇન્ફ્રાટેકને 6370 મકાનો બનાવવા કોન્ટ્રાક્ટ મેળવ્યો હતો. વંદેમાતરમ દ્વારા 593 મકાનો બાંધવાના હતા. બંને કોન્ટ્રાકટરને 5 વર્ષ માટે બ્લેકલિસ્ટ કરવામી આવી છે તેમજ અધુરું કામ પૂર્ણ કરવાનો ખર્ચ પણ આ કંપનીઓ પાસેથી લેવામાં આવશે.

સ્ટેડિંગ કમિટીના ચેરમેન હિતેશ બારોટનું નિવેદન 
સ્ટેડિંગ કમિટીના ચેરમેન હિતેશ બારોટે જણાવ્યું કે, અમદાવાદ મહાનગર પાલિકા દ્વારા બે કોન્ટ્રાક્ટર કંપનીઓને બ્લેકલિસ્ટ કરવાનો નિર્ણય કર્યો છે. આ કંપનીઓએ સમયમર્યાદામાં કામ પૂરૂ કર્યું ન હતું જેને લઈ બ્લેકલિસ્ટ કરાઈ છે તેમજ બાકી કામ બાબતે કાયદાકીય રીતે તેમની પાસેથી વિવિધ ચાર્જ પણ વસૂલવામાં આવશે. જુદા જુદા વિસ્તારોમા એક કોન્ટ્રાક્ટર જોડે 6500થી વધુ મકાનો બનાવાનું કોન્ટ્રાક્ટ હતું જ્યારે બીજા જોડે 500થી વધુ મકાનનું કામ હતું,

અગાઉ પણ બે એજન્સીઓને  બ્લેકલિસ્ટ કરાઈ હતી
થોડા દિવસ અગાઉ બે એજન્સીઓને બ્લેકલિસ્ટ કરાઈ હતી. વાત જાણે એમ છે કે, અમદાવાદ મ્યુનિસિપલ કોર્પોરેશન સંચાલિત સ્મશાન ગૃહોમાં અંતિમસંસ્કાર માટેની લોખંડની ઘોડીઓમાં કોન્ટ્રાકટર દ્વારા કરવામાં આવેલ કૌભાંડ મામલે બે એજન્સીઓને બ્લેકલિસ્ટ કરી હતી. સ્ટેન્ડિંગ કમિટીમાં સમભાવ સેવા સંઘ અને જય શ્રી કૃષ્ણ સેવા સંઘ નામની સંસ્થાને એક વર્ષ માટે બ્લેકલિસ્ટ કરવાની દરખાસ્તને મંજૂરી આપવામાં આવી હતી. કોન્ટ્રાક્ટર દ્વારા શહેરના છ જેટલા સ્મશાનોમાં લોખંડની ઘોડીઓમાં કૌભાંડ કરવામાં આવ્યો હતો.