કાળઝાળ ગરમી વચ્ચે,ચોમાસાનું ક્યારે આગમન થશે.અને ક્યારે વરસાદ આવશે તેની રાહ જોવાઇ રહી છે.ત્યારે હવામાન નિષ્ણાંતોના મતે ગુજરાતમાં 15 જૂન આસપાસ વરસાદ પડે તેવી શક્યતા જણાવાઇ છે.
Share
ગુજરાતમાં ક્યારે બેસશે ચોમાસું
પ્રતિકૂળ વાતાવરણ સર્જાય તો મોડુ પણ બેસે ચોમાસુ- પરેશ ગોસ્વામી
8 જૂનથી ગુજરાતના કેટલાક ભાગોમાં વરસાદ શરુ- અંબાલાલ પટેલ
ગુજરાતના ખેડૂતો માટે આનંદના સમાચાર છે. હવામાન વિભાગના અંદાજ પ્રમાણે રાજ્યમાં આ વર્ષ ચોમાસું વહેલું આવી પહોંચશે. ગુજરાતમાં આ વર્ષે ૨૦ જૂન આસપાસ ચોમાસાનું આગમન થઈ જાય તેવી સંભાવના છે. જોકે, ચોમાસાના આગમન સુધી લોકોએ અસહ્ય ગરમીનો ત્રાસ સહન કરવો પડશે. હવામાન વિભાગના જણાવ્યા પ્રમાણે દેશમાં નૈઋત્યના ચોમાસાનું આગમન થઈ ગયું છે. જેના અનુસંધાને આગામી ચારથી પાંચ દિવસ સુધી કેરળ, કર્ણાટક સહિતના દરિયાકાંઠાના વિસ્તરોમાં પ્રિ-મોન્સૂન એક્ટિવિટીના ભાગરૂપે વરસાદ પડી શકે છે. ત્યારે ગુજરાતમાં વરસાદને લઇને હવામાન નિષ્ણાંતો દ્વારા શું આગાહી કરવામાં આવી તે જાણીએ
જરુરી નથી ચોમાસુ વહેલા જ આવે- પરેશ ગોસ્વામી
તો અંગે હવામાન નિષ્ણાંત પરેશ ગોસ્વામીએ જણાવ્યું કે જરુરી નથી કે કેરળમાંચોમાસુ વહેલુ બેઠું એટલે ગુજરાતમાં પણ ચોમાસુ વહેલુ આવે. કારણ કે કેરળમાં અત્યારે ચોમાસુ બેસે તેવા સંપૂર્ણ પરિબળો અનુરુપ છે. પણ હવે જેમ જેમ ચોમાસુ આગળ વધે તેમ તેમ ખ્યાલ આવશે કે ગુજરાતમાં ચોમાસુ ક્યારે બેસશે. કારણ કે કેરળથી ચોમાસુ આગળ જાય પરંતુ હવામાન અનુકૂળ ન થાય તો ચોમાસુ સ્થિર થઇ જતુ હોય છે. એટલે જેમ ચોમાસુ આગળ વધશે તેમ તેની હવા કેવી હશે, તાપમાન કેવુ હશે ખાસ કરીને આઉટગોઇન્ગ લોંગ વેવ રેડિએશન કેવુ રહેળે તેની પરથી જ ગુજરાતમાં ચોમાસાની આગાહી કરી શકાય. હાલની સ્થિતિ જોતા લાગી રહ્યુ છે કે ગુજરાતમાં 15 જૂન પછી ચોમાસુ આવશે.
15જૂને ગુજરાતના ઘણા ભાગોમાં વરસાદની શક્યતા- અંબાલાલ પટેલ
હાલમાં ચોમાસુ સક્રિય થઇ ગયુ છે. 10 જૂન સુધી દ. ભારતના ઘણા ભાગોમાં ચોમાસુ પહોંચી જશે. ગુજરાતમાં વરસાદ 10મી જૂનની આસપાસ ગુજરાતમાં આવવાની શક્યતા રહેશે. 8મી જૂનથી ગુજરાતના કેટલાક ભાગોમાં વરસાદની શક્યતા રહેશે. અને 15મી જૂન સુધીમાં ગુજરાતના ઘણા ભાગોમાં વરસાદ આવવાની શક્યતા રહેશે. આદરા નક્ષત્ર પૂર્વે ગુજરાતમાં ઘણા ભાગોમાં વરસાદની શક્યતા છે. એટેલે આ વર્ષે ચોમાસુ થોડુ વ્હેલુ આવી તેવી શક્યતા રહેશે. ખેડૂતો માટે શરુઆતનો વરસાદ સારો રહેશે.
ગરમીથી મળશે આંશિક રાહત- હવામાન વિભાગ
તો ગુજરાતમાં વરસાદને લઇને હવામાન વિભાગે આગાહી કરતા જણાવ્યું કે દક્ષિણ ગુજરાતમાં ભર ઉનાળે ચોમાસા જેવો માહોલ જોવા મળી શકે છે..પ્રિમોન્સૂન એક્ટિવિટી થઈ રહી છે ત્યારે 25મી દક્ષિણ ગુજરાતના સુરત, વલસાડ, નવસારી, તાપી અને ડાંગમાં વરસાદ પડવાની આગાહી હવામાન વિભાગે કરી છે...હાલ રાજ્યમાં હીટવેવની અસર નહિવત હોવાના સમાચાર હવામાન વિભાગે આપતા ગરમીથી થોડી રાહત મળશે...સાથે જ કેટલાક વિસ્તારમાં 24 અને 25 મેના રોજ વાદળછાયું વાતાવરણ પણ રહી શકે છે... એટલે કે હવે આવનાર દિવસોમાં ગરમીથી આંશિક રાહત તમામ લોકોને મળશે તો કેટલાક વિસ્તારોમાં વાદળછાયા વાતાવરણના કારણે ઉકળાટનો સામનો કરવો પડી શકે છે....
છેલ્લા 7 વર્ષમાં ચોમાસાનું ગુજરાતમાં ક્યારે થયું આગમન
