અત્યારે કોરોના વાયરસના પગલે સમગ્ર વિશ્વ સંપૂર્ણ અથવા અંશત: લોક ડાઉનની પરિસ્થિતિમાં છે. આ કારણે ઘરે નવરાશમાં લોકોનો ઇન્ટરનેટનો વપરાશ અનેકગણો વધી ગયો છે.જેના કારણે નેટવર્ક ઇન્ફ્રાસ્ટ્રક્ચર દબાણ હેઠળ છે. આ બધી બાબતોને ધ્યાનમાં રાખીને, એમેઝોન પ્રાઇમ, યુટ્યુબ અને ફેસબુકે તેના વિડીયોની કવોલિટીમાં ઘટાડો કર્યો છે.કંપનીઓના આ પગલાના કારણે ડેટાનો ખર્ચ ઓછો થશે.
વિશ્વમાં ઇન્ટરનેટના વપરાશના આંકડાઓમાં ભારે ઉછાળો
વપરાશ વધવાથી કંપનીઓને થઇ રહ્યો છે ફાયદો
કોરોના વાયરસના કારણે ભારત સહિતના દુનિયાભરના અનેક દેશોમાં લોકડાઉનના કારણે લોકો ઘરોમાં બંધ છે. ઉપરાંત, ખાનગી કંપનીઓએ તેમના કર્મચારીઓને ઘરેથી કામ કરવા આદેશ આપ્યો છે. આવી સ્થિતિમાં લોકો તેમના ઘરેથી કામ કરી રહ્યા છે, જ્યારે જે લોકો ઘરેથી કામ નથી કરતા તેઓ સોશિયલ મિડીયા અને વિડીયો સ્ટ્રિમિંગ દ્વારા ટાઇમ પાસ કરી રહ્યા છે.
આ કારણોસર ઇન્ટરનેટનો વપરાશ અનેકગણો વધી ગયો છે. જેના કારણે નેટવર્ક ઇન્ફ્રાસ્ટ્રક્ચર દબાણ હેઠળ છે. આ બધી બાબતોને ધ્યાનમાં રાખીને, એમેઝોન પ્રાઇમ, યુટ્યુબ અને ફેસબુકે તેના વિડીયોની કવોલિટીમાં ઘટાડો કર્યો છે. કંપનીઓના આ પગલાના કારણે ડેટાનો ખર્ચ ઓછો થશે.
ગુગલના પ્રવક્તાએ કહ્યું: અમે સરકાર અને નેટવર્ક ઓપરેટરો સાથે મળીને કામ કરીશું
કંપનીનું કહેવું છે કે મોટાભાગના લોકો કોરોના વાયરસના કારણે તેમના ઘરે છે. આ જ કારણ છે કે ડેટા વપરાશ ઝડપથી વધ્યો છે.અમારા આ પગલાથી ટેલિકોમ કંપનીઓને થોડી રાહત મળશે. ઉપરાંત, નેટવર્ક ઇન્ફ્રાસ્ટ્રક્ચર પર પણ ઓછું દબાણ રહેશે. એમેઝોન પ્રાઇમની સાથે, યુટ્યુબએ વિડીયોની ગુણવત્તા પણ ઘટાડી છે. હવે યુઝર્સ આ પ્લેટફોર્મ પર એસડી ગુણવત્તાવાળા વિડીયો જ જોઈ શકશે. ગુગલના પ્રવક્તાએ કહ્યું કે અમે સરકાર અને નેટવર્ક ઓપરેટરો સાથે મળીને કામ કરીશું. સોશિયલ મીડિયા કંપની ફેસબુકએ નેટવર્ક ઈન્ફ્રાસ્ટ્રક્ચર પરના દબાણને ધ્યાનમાં રાખીને તેના વિડીયોનો બિટ રેટ ઘટાડ્યો છે.
વિશ્વમાં ઇન્ટરનેટના વપરાશના આંકડાઓમાં ભારે ઉછાળો
ઉલ્લેખનીય છે કે કોઈપણ વિડીયો બિટ રેટ જેટલો ઉંચો હોય તેની ગુણવત્તા એટલી વધુ સારી છે. પરંતુ તેનાથી ડેટાના વપરાશમાં મોટા પ્રમાણમાં વધારો થાય છે. ઘરોમાં રહેતા લોકોના કારણે ડેટા વપરાશ વધ્યો છે, પરંતુ તેનાથી વિડિઓ સ્ટ્રીમિંગને મોટો ફાયદો થયો છે. માર્ચ 2020 ના પહેલા અઠવાડિયા કરતા બીજા અઠવાડિયામાં તેમાં 20 ટકાનો વધારો થયો છે. ઓસ્ટ્રિયા અને સ્પેનમાં આ વધારો 40 ટકા જેટલો હતો. તે જ સમયે, જર્મની 32 ટકા સાથે ત્રીજા સ્થાને છે, કેનેડા 17 ટકા સાથે ચોથા ક્રમે છે અને 14 ટકાના વધારા સાથે ફ્રાન્સ પાંચમાં ક્રમે છે, જોકે અહેવાલમાં એવું કહેવામાં આવ્યું નથી કે યુઝર્સ એમેઝોન પ્રાઇમ વિડિઓ પર સૌથી વધુ વિડીયો જોઈ રહ્યા છે કે નેટફ્લિક્સ પર. જોકે નેટફ્લિક્સના ડાઉનલોડિંગમાં સ્પેનમાં 34 ટકાથી પણ મોટો વધારો જોવા મળ્યો છે.