BIG NEWS / અમરનાથ યાત્રા: ભારે વરસાદના કારણે ફરી પુર આવ્યું, 4000 લોકોને સુરક્ષિત જગ્યાએ શિફ્ટ કર્યા

• અમરનાથ ગુફા પાસે ફરી એક વાર પુર આવ્યું
• જળાશયમાં જળસ્તર વધ્યું
• પુરના ખતરાને જોતા શ્રદ્ધાળુઓને શિફ્ટ કર્યા

અમરનાથ યાત્રા દરમિયાન પવિત્ર બાબા બર્ફાનીની ગુફા પાસે ફરીથી પુર આવ્યું છે. મંગળવારે ભારે વરસાદના કારણે ગુફાની નજીક આવેલા જળાશયનું જળસ્તર વધી ગયું હતું. ત્યારે આવા સમયે ખતરાને જોતા સેંકડો શ્રદ્ધાળુઓને સુરક્ષિત જગ્યાએ પહોંચાડી દેવામાં આવ્યા છે. કહેવાય છે કે, અમરનાથ યાત્રા કરી રહેલા 4000થી વધારે શ્રદ્ધાળુઓ પુર અને ખરાબ હવામાનને જોતા સુરક્ષિત સ્થાને શિફ્ટ કરી દેવામા આવ્યા છે. પ્રાપ્ત વિગતો અનુસાર જોઈએ તો, આ વિસ્તારમાં એંકાંતરિયો વરસાદ વરસી રહ્યો છે. 

તો વળી આ સમગ્ર ઘટના પર ઈંડો તિબ્બેટિયન પોલીસ ફોર્સે નિવેદન જાહેર કર્યું છે અને તેમના તરફથી કહેવાયુ છે કે, પવિત્ર અમરનાથ ગુફા પાસે પુરનો ખતરો જોતા 4000થી વધારે શ્રદ્ધાળુઓને પંચતરણીમાં સુરક્ષિત સ્થાન પર લઈ જવામાં આવ્યા છે. આઈટીબીપી અનુસાર હવે હવામાન સાફ થઈ જવાના કારણે પુરનો ખતરો ઓછો લાગી રહ્યો છે. આ વિસ્તારમાં સ્થિતિ હાલમાં સામાન્ય છે. 

8 જૂલાઈએ આભ ફાટ્યું હતું

આપને જણાવી દઈએ કે, 8 જૂલાઈના રોજ અમરનાથ યાત્રા દરમિયાન પવિત્ર બાબા બર્ફાની ગુફા પાસે આભ ફાટ્યું હતું. આ દુર્ઘટના બાદ ભારે પુરની સ્થિતિ બની હતી. આ ઘટનામાં લગભગ 15 જેટલા લોકોના મોત પણ થયા હતા. જ્યારે 40થી વધારે લોકો ગુમ હોવાના વાત પણ થઈ હતી. આ દુર્ઘટના બાદ તુરંત યાત્રાને રોકી દેવામાં આવી હતી.