ખળભળાટ / સુરતના ભાજપ નેતા રંગરેલિયા મનાવતા કેમેરામાં કેદ, વીડિયો વાયરલ થતા રાજકીય ક્ષેત્રે મચ્યો હડકંપ

• ભાજપ અગ્રણીનો મહિલા સાથેનો કથિત વીડિયો વાયરલ
• બારડોલી તાલુકા પંચાયતના સભ્ય અને સુમુલ ડેરીના છે ડિરેક્ટર
• VTV આ વાયરલ વીડિયોની પુષ્ટિ નથી કરતું

બારડોલી તાલુકા પંચાયતના સભ્ય અને સુમુલ ડેરીના ડિરેક્ટર અજીત પટેલનો (Ajit Patel) એક મહિલા સાથેનો બિભત્સ હરકત કરતો એક કથિત વીડિયો સોશિયલ મીડિયામાં વાયરલ (Viral) થયો છે. જેના લીધે સુરત જિલ્લા સહકારી અને રાજકીય ક્ષેત્રમાં ભૂકંપ સર્જાયો છે. જોકે VTV આ વીડિયોની પુષ્ટિ નથી કરતું.

રાજકીય ક્ષેત્રે આ વીડિયોએ ભારે ચર્ચા જગાવી છે

અજીત પટેલ કે જેઓ રાતના અંધારામાં કોઇ મહિલા સાથે અંગત પળો માણતા દેખાઇ રહ્યાં છે. અજીત પટેલ કે જેઓ પોતે સુમુલ ડેરીના ડિરેક્ટર છે તેમજ બારડોલી તાલુકા પંચાયતનાં સભ્ય અને ભાજપ અગ્રણી પણ છે. ત્યારે સોશિયલ મીડિયામાં આ રીતે એકાએક કોઇ મહિલા સાથે રંગરેલીયા મનાવતો વીડિયો વાયરલ થતા રાજકીય ક્ષેત્રે આ વીડિયોએ ભારે ચર્ચા જગાવી છે. આ વીડિયોમાં  એક ઘરનો દરવાજો ખોલીને એક મહિલા અર્ધનગ્ન હાલતમાં બહાર આવે છે. ત્યાર બાદ આ નેતા પણ બહારથી ઘરના દરવાજા સાઇડ આવે છે. જે મહિલાને ભેટી તેની સાથે બિભત્સ હરકત કરતા નજરે પડે છે.

જોકે રાત્રીના સમયે એકલતાનો લાભ ઉઠાવી રહેલા નેતાનો આ વીડિયો સામેના CCTVમાં કેદ થઇ જતા વીડિયો સોશિયલ મીડિયામાં વાયરલ થયો છે. જોકે, આ વીડિયોમાં જે રીતે મહિલા CCTV સામે જોઇ રહી છે તેને જોતા કોઇકે ઈરાદાપૂર્વક CCTV અથવા સ્પાય કેમેરા ગોઠવીને સ્ટિંગ કર્યું હોય તેવી ચર્ચાઓ ભાજપ અને સહકારી ક્ષેત્રમાં ચાલી રહી છે. જોકે, વાસ્તવિકતા શું છે તે અંગે તો પ્રદેશ ભાજપ પ્રમુખ CR પાટીલ અને જિલ્લા ભાજપ પ્રમુખ સંદીપ દેસાઈ દ્વારા તપાસ કરાવ્યા બાદ જ જાહેર થઇ શકે.

આવનારા દિવસોમાં મોટો વિવાદ ઊભો થાય તેવી શક્યતા

જોકે આ વીડિયો હકીકતમાં કેટલા અંશે સાચો છે તે અંગે આવનારા દિવસોમાં વિવાદ જરૂરથી ઉભો થશે. જોકે આ વીડિયો બાદ એક વાર ફરી રાજકીય અને સહકારી નેતાનું ચરિત્ર સામે આવ્યું છે. જે રીતે સોશિયલ મીડિયામાં આ કથિત વીડિયો વાયરલ થયો છે તેને જોતા સહકારી તેમજ રાજકીય ક્ષેત્રની ગરિમાને લાંછન લાગી રહ્યું હોયું તેવું દેખાઇ રહ્યું છે.