બોટાદ જિલ્લાના બરવાળા તાલુકાના નાનકડા એવા શાહપુર ગામની શેરીઓમાં આરસીસી પેવર બ્લોક પાથરવાને નામે મોટું કૌભાંડ આચરાયું હોવાની ફરિયાદ ઊઠી છે.
Share
બરવાળાના શાહપુર ગામમાં ભ્રષ્ટાચાર થયાનો આક્ષેપ
કાગળ પર બ્લોક દર્શાવાયા, જમીન પર બ્લોક ગાયબ
રોડ પર બ્લોક જ ન હતા, કંપ્લીશન સર્ટિ પણ આપી દેવાયું!
બોટાદ જિલ્લાના બરવાળા તાલુકાના શાહપુર ગામમાં રોડ પર પેવર બ્લોક પથરાયા હોવાનું કહેવાય છે. પરંતુ એ બ્લોક રોડ કરતાં કાગળ પર વધારે છે. એક આરટીઆઈમાં આ વાતનો ખુલાસો થયો છે. ત્યારે નાનકડા ગામમાં મોટા ભ્રષ્ટાચાર માટે ગામ લોકો કોની તરફ ચીંધી રહ્યા છે
ભ્રષ્ટાચાર આચરાયો હોવાની વિગત બહાર આવી
ભગવો પોશાક અને દાઢીધારી એક વ્યક્તિ અને તેની સાથે ગામના કેટલાક નાગરિકો. ગામની શેરીઓમાં ફરી રહેલા આ લોકોને જોઈને આપને થશે કે આ લોકો ગામમાં કોઈ પ્રસંગનું આમંત્ર દેવા ફરતાં હશે. પરંતુ ના, હકીકત એ છે કે, આ ગામ લોકો ગામના રસ્તા પર અને શેરીઓમાં છૂપાયેલા ભ્રષ્ટારને ઊઘાડો પાડવા નીકળ્યા છે. બોટાદ જિલ્લાના બરવાળા તાલુકાના નાનકડા એવા શાહપુર ગામના છે. આ ગામમાંની શેરીઓમાં આરસીસી પેવર બ્લોક પાથરવાને નામે મોટું કૌભાંડ આચરાયું હોવાની ફરિયાદ ઊઠી છે. કારિયાણી ગામના ડાયાભાઈ ગોદાવરિયા નામના આ દાઢીધારી એક્ટિવિસ્ટે આરટીઆઈ હેઠળ માહિતી માગી હતી, જેમાં શાહપુર ગામમાં પેવર બ્લોક પાથરવામાં ગંભીર ભ્રષ્ટાચાર આચરાયો હોવાની વિગત બહાર આવી છે.
RTIમાં થયો ખુલાસો
RTI એક્ટિવિસ્ટ ડાયાભાઈનો આક્ષેપ છે કે, પેવરબ્લોક પાથરવાના અનેક કામ માત્ર કાગળ પર છે. સ્થળ પર કામ પૂરા થયા નથી છતાં સંબંધિત અધિકારીઓ દ્વારા કંપ્લીશન સર્ટિ આપીને નાણાં ઉપાડી લેવામાં આવ્યા છે. શાહપુર ગામના નાગરિકોનું કહેવું છે કે, આરટીઆઈ ન થઈ હોત તો ગામના લોકોને ખ્યાલ જ ન આવત કે ગામમાં આટલો મોટો ભ્રષ્ટાચાર થયો છે.
VTV દ્વારા પણ રિયાલિટી ચેક કરવામાં આવ્યું હતું
સ્થાનિક લોકો દ્વારા જે આક્ષેપ કરવામાં આવી રહ્યા છે. તેનું VTV દ્વારા પણ રિયાલિટી ચેક કરવામાં આવ્યું હતું. જેમાં સ્પષ્ટ જણાતું હતું કે, મોટાભાગના સીસીરોડ પર બ્લોક જોવા મળ્યા ન હતા. તો કેટલાક રોડ એવા પણ હતા જે માત્ર કાગળ પર જ હતા. સ્થળ પર ન હતા. સ્થાનિક લોકો દ્વારા આ ભ્રષ્ટાચાર માટે ગામના સરપંચ, તલાટીમંત્રી, અધિક મદદનીશ ઇજનેર, તાલુકા વિકાસ અધિકારી અને પંચકામમા સહી સિક્કા કરનારા તમામ અધિકારી સામે આંગળી ચીંધાઈ રહી છે. ત્યારે શાહપુર ગામના સરપંચ કંઈક આ રીતે પોતાનો બચાવ કરી રહ્યા છે.
હાલ તો આ કૌભાંડની ફરિયાદની નકલ નકલ કલેક્ટર, ધારાસભ્ય, પંચાયત મંત્રી અને છેક મુખ્યમંત્રી કાર્યાલય સુધી મોકલવામાં આવી છે. ત્યારે જો આ ઉચાપત અને ભ્રષ્ટાચાર વિરુદ્ધ કોઈ કાર્યવાહી ન થાય તો ન્યાય માટે ન્યાયાલયનાં દરવાજા ખટખટાવવાની પણ ગામના જાગૃત લોકોએ તૈયારી દર્શાવી છે. ત્યારે જોવાનું એ રહેશે કે, આ આરોપોમાં દૂધનું દૂધ અને પાણીનું પાણી થાય છે કે કેમ?
