- સ્ટાર્સના રિલેશનશિપના કન્ફર્મ ન્યૂઝ
- ત્રણથી ચાર કપલ લગ્ન કરે તેવી સંભાવના
- રાજસ્થાન બની રહ્યું છે વેડિંગ ડેસ્ટિનેશન
એકતરફ લગ્નની મોસમ પૂરબહારમાં ચાલી રહી છે અને દરેક જગ્યાએ લગ્નના સમાચાર સાંભળવા મળી રહ્યા છે. આ સિઝનમાં માત્ર સામાન્ય લોકો જ નહીં પરંતુ મનોરંજન જગતના સ્ટાર્સ પણ લગ્નના બંધનમાં બંધાઈ રહ્યા છે. કોવિડના લીધે ઘણા લોકોના લગ્ન રહી ગયા હતા જે આ વખતે થશે.
રાજકુમાર રાવ અને પત્રલેખા બંધાયા
કેટલાક સ્ટાર્સના રિલેશનશિપના કન્ફર્મ ન્યૂઝ સામે આવી ચૂક્યા છે, ત્યારે ઘણા સ્ટાર્સના લગ્નના સમાચાર અત્યારે ચર્ચામાં છે. શનિવારે, રાજકુમાર રાવ અને પત્રલેખાએ વીંટી પહેરીને સગાઈ કરી હતી અને તેઓ 14 નવેમ્બરના રોજ લગ્ન કરશે એ સમાચાર પણ કન્ફર્મ થઈ ગયા હતા. બીજી તરફ, કેટરિના અને વિકીના લગ્નના સમાચાર પણ દરરોજ હેડલાઇન્સ બની રહ્યા છે.
રણબીર-આલિયા આ મહિને કરશે સગાઈ?
રણબીર અને આલિયાના લગ્નના સમાચાર પણ આવી રહ્યા છે. જો કે, જ્યાં પહેલા એવું કહેવામાં આવી રહ્યું હતું કે બંને આવતા વર્ષે લગ્ન કરવા જઈ રહ્યા છે, હવે સમાચાર આવી રહ્યા છે કે બ્રહ્માસ્ત્ર કપલ આ મહિને સગાઈ કરી શકે છે. મીડિયા રિપોર્ટ્સનું માનીએ તો આલિયા અને રણબીર 29 નવેમ્બરે પરિવાર અને મિત્રો વચ્ચે સગાઈની વિધિ પૂરી કરી શકે છે. જો કે તેમની સગાઈના સમાચારની હજુ સત્તાવાર પુષ્ટિ થઈ નથી.
રાજસ્થાન લગ્ન સમારોહ માટે સેલેબ્સની પહેલી પસંદ
સૌથી મહત્વની વાત એ છે કે રણબીર આલિયા રાજસ્થાનમાં જ સગાઈ કરવાની યોજના બનાવી રહ્યા છે. ઉલ્લેખનીય છે કે, કેટરિના કૈફ અને વિકી કૌશલના પણ રાજસ્થાનમાં લગ્ન કરવાના સમાચાર પણ આવી રહ્યા છે. આવી સ્થિતિમાં, એવું લાગે છે કે રાજસ્થાન લગ્ન સમારોહ માટે સેલેબ્સની પહેલી પસંદ બની ગયું છે.
કોરોના ન હોત તો કદાચ લગ્ન કરી લીધા હોત
હાલમાં જ રણબીર કપૂરને પાપારાઝી દ્વારા સ્પોટ કરવામાં આવ્યો હતો જ્યાં તેને લગ્ન વિશે પૂછપરછ કરવામાં આવી હતી પરંતુ રણબીરે તેના પર કંઈ કહ્યું ન હતું. આ પહેલા રણબીરે એક ઈન્ટરવ્યુમાં કહ્યું હતું કે જો કોરોના મહામારી ન આવી હોત તો કદાચ તેણે લગ્ન કરી લીધા હોત.
એવા પણ સમાચાર છે કે આદિત્ય સીલ પણ અનુષ્કા રંજન સાથે લગ્ન કરવા જઈ રહ્યો છે. બીજી તરફ, આલિયા અનુષ્કા રંજનની સારી મિત્ર છે. આવી સ્થિતિમાં, એવું કહેવામાં આવી રહ્યું છે કે તે તેના બેસ્ટ ફ્રેન્ડના લગ્નમાં પણ પરફોર્મન્સ આપશે અને રણબીર કપૂર પણ આમાં તેની સાથે હશે.
હાલમાં જ એક ચેટ સેશનમાં આલિયાએ ઘણા સવાલોના જવાબ આપ્યા હતા. આ સાથે તેને લગ્નનો સવાલ પૂછવામાં આવ્યો હતો, જેના પર આલિયાએ કહ્યું હતું કે, 'મને હજારો લોકો સવાલ પૂછે છે, જેમાં વધુ લોકો પૂછે છે કે હું ક્યારે લગ્ન કરી રહી છું.' આલિયાએ તેનો જવાબ અધવચ્ચે જ છોડી દીધો છે. એટલે કે અભિનેત્રી પોતાના લગ્ન પર અત્યારે વધુ બોલવા માંગતી નથી.
