છેલ્લા ઘણાં સમયથી આલિયા ભટ્ટ અને રણબીર કપૂરના લગ્નને લઈને ચર્ચાઓ ચાલી રહી છે. આ બંને લવબર્ડ્સ આવતા વર્ષે લગ્ન કરશે એવી ચર્ચાએ જોર પકડ્યું છે. ત્યારે એક રિપોર્ટમાં પણ જાણવા મળ્યું છે કે રણબીર અને આલિયા આવતા વર્ષે લગ્ન બંધનમાં બંધાઈ જશે.
આલિયા અને રણવીરે આવતા વર્ષે 1 મહિનાની લીધી રજા
કાશ્મીરમાં ડેસ્ટિનેશન વેડિંગની તૈયારીઓ કરી રહ્યાં છે
ફિલ્મ બ્રહ્માસ્ત્રમાં પહેલીવાર સ્ક્રીન પર સાથે જોવા મળશે આલિયા-રણબીર
લગ્નને લઈને જે અફવા ઉડી રહી છે તેમાં એવું પણ સાંભળવા મળી રહ્યું છે કે, રણબીર અને આલિયાએ તેમના વર્ક શેડ્યૂલથી એક મહિનાની રજા લીધી છે. એવું પણ સાંભળવા મળી રહ્યું છે કે, રણવીર અને આલિયા દેશની સૌથી સુંદર જગ્યાઓમાંથી એક કાશ્મીરમાં ડેસ્ટિનેશન વેડિંગની તૈયારીઓ કરી રહ્યાં છે. જેને ધરતી પરનું સ્વર્ગ પણ કહેવાય છે. એવું કહેવાય છે કે, જ્યારે આલિયાએ 2017માં મેઘના ગુલઝારની ફિલ્મ 'રાઝી'નું શૂટિંગ કાશ્મીરમાં કર્યું હતું, ત્યારથી જ તેને કાશ્મીરની વાદીઓથી પ્રેમ થઈ ગયો હતો.
'બ્રહ્માસ્ત્ર' ફિલ્મની રિલીઝ ડેટ લંબાઈ શકે છે
જોકે, આ પ્રકારના સમાચારોને રણબીર અને આલિયા અફવા ગણાવી ચૂક્યા છે. આ બંને સ્ટાર્સ તેમની આગામી ફિલ્મ બ્રહ્માસ્ત્રમાં પહેલીવાર સ્ક્રીન પર સાથે જોવા મળશે. આ ફિલ્મ આવતા વર્ષે રિલીઝ થશે, પરંતુ એવું કહેવાય છે કે જે કંપનીને વિએફએક્સનું કામ સોંપવામાં આવ્યું તેમણે ડાયરેક્ટર અયાન મુખર્જી અને કરણ જોહરને કહી દીધું છે કે તેઓ સમર 2020 સુધી આ કામ પૂરું નહીં કરી શકે. જેથી હવે તેમની પાસે આ ફિલ્મને વિન્ટર 2020માં રિલીઝ કરવા સિવાય બીજો કોઈ રસ્તો નથી બચ્યો.