મહામારી / ભારત માટે ખતરાની ઘંટડી, આ દેશમાં 68 ટકા વસતીને વેક્સિન છતાં ત્રીજી લહેર બેકાબૂ, જુઓ કેવી થઈ હાલત

• બ્રિટનમાં કોરોનાની ત્રીજી લહેર બેકાબૂ બની
• 6 મહિના બાદ પહેલી વાર 50 હજાર કરતા વધારે કેસો નોંધાયા 
• હેલ્થ મિનિસ્ટર સાજિદ જાવેદ કોરોના પોઝિટીવ, દેશ-વિદેશમાં ચિંતા વધી

શુક્રવારે કોરોનાના નવા 51, 870 કેસો નોંધાયા 
બ્રિટન હાલમાં કોરોનાની ત્રીજી લહેરની ચપેટમાં છે. શુક્રવારે કોરોનાના નવા 51, 870 કેસોની સાથે જ 6 મહિના જુનો રેકોર્ડ તૂટ્યો છે. ચોંકાવનારી વાત તો એ છે કે દેશમાં 68 ટકા વસતીને વેક્સિન અપાઈ હોવા છતાં પણ કેસો વધી રહ્યાં છે. એક્સપર્ટ્સે હવે છેલ્લા વિકલ્પ તરીકે લોકડાઉન લગાડવાની ચેતવણી આપી છે. બ્રિટનની સ્થિતિ ભારતની પણ ચિંતા વધારી રહી છે.

દેશના 1200 કરતા વધારે નિષ્ણાંતોએ ચેતવણી આપી છે કે લોકડાઉન સંબંધિત પ્રતિબંદો હટાવવા ખતરનાક અને અનૈતિક ગણાશે. 

19 જુલાઈથી પ્રતિબંધો પૂરી રીતે હટાવવાની તૈયારી પહેલા ટેન્શન વધ્યું 
બ્રિટન સરકાર 19 જુલાઈથી તમામ પ્રકારના પ્રતિબંધો હટાવવાની તૈયારી કરી રહી છે. તેની પહેલા કોરોનાના કેસોમાં ચિંતાજનક સ્તરે વધારો આવતા સરકારની ચિંતા વધી ગઈ છે. 

ભારત માટે ખતરાની ઘંટડી
બ્રિટનમાં લગભગ 68 ટકા વસતીને વેક્સિન અપાઈ છે. તેમ છતાં પણ રેકોર્ડબ્રેક સંખ્યામાં નવા કેસો આવી રહ્યાં છે અર્થાત ડેલ્ટા વેરિયન્ટ વેક્સિનની પેદા થયેલી ઈમ્યુનિટીને પણ થાપ આપી રહ્યો છે. આ બ્રિટનની સાથે સાથે ભારત માટે પણ ચિંતા વધારનારી વાત છે. બ્રિટનમાં એસ્ટ્રાજેનેકાની કોરોના વેક્સિન લગાડાઈ રહી છે. ભારતમાં પણ આ જ વેક્સિનનો ઉપયોગ કરાઈ રહ્યો છે. 

This morning I tested positive for Covid. I’m waiting for my PCR result, but thankfully I have had my jabs and symptoms are mild.

Please make sure you come forward for your vaccine if you haven’t already. pic.twitter.com/NJYMg2VGzT

— Sajid Javid (@sajidjavid) July 17, 2021

હેલ્થ મિનિસ્ટર સાજિદ જાવેદ કોરોના પોઝિટીવ
દેશમાં હેલ્થ મિનિસ્ટર સાજિદ જાવેદ પણ કોરોના પોઝિટીવ નીકળ્યાં છે. સાજિદ જાવેદ ટ્વિટ કરીને આ વાતની જાણકારી આપી છે.