VIDEO / આ 2 એક્ટ્રેસથી પરેશાન થઈ ગયો અક્ષય કુમાર, વીડિયો શેર કરીને કહ્યું- જુઓ આ લોકો શું કરી રહ્યાં છે

• અક્ષય કુમાર ફિલ્મ રામ સેતુ ફિલ્મનું શૂટિંગ કરી રહ્યો છે
• એક્ટરે જેકલીન અને નુસરતનો એક વીડિયો શેર કર્યો
• બંને એક્ટ્રેસથી પરેશાન થયો અક્ષય

બોલિવૂડનો ખેલાડી કુમાર એટલે કે અક્ષય કુમાર અત્યારે તેની મોસ્ટ અવેટેડ ફિલ્મ 'રામ સેતુ'ની શૂટિંગને લઈને ઘણો જ વ્યસ્ત છે. અક્ષય કુમાર આ ફિલ્મની શૂટિંગ માટે તેની લીડિંગ લેડી જેક્લીન ફર્નાન્ડીઝ અને નુસરત ભરૂચા સાથે અયોધ્યા પહોંચ્યો હતો. અક્ષય કુમારે તેની ફિલ્મના મુહૂર્તની પહેલી તસવીર શેર કરી છે અને તેણે થોડાં સમય પહેલાં જ તેના ટ્વિટર એકાઉન્ટ પર એક વીડિયો પણ શેર કર્યો છે, જે સોશિયલ મીડિયા પર વાયરલ થયો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Akshay Kumar (@akshaykumar)

હકીકતમાં અક્ષય કુમારે શેર કરેલા વીડિયોમાં તેની 'રામ સેતુ'ની ટીમ બસમાં ક્યાંક જતા જોવા મળી રહી છે. ત્યારે અક્ષય કુમાર બસમાં જેક્લીન ફર્નાન્ડિઝ અને નુસરત ભરૂચાની વચ્ચેની સીટ પર બેઠો છે. વીડિયોમાં અક્ષય જોવા મળ્યો નથી, પરંતુ તેનો અવાજ સાંભળાય રહ્યો છે. વીડિયોમાં અક્ષય જેકલીન અને નુસરતથી ખૂબ જ પરેશાન જોવા મળી રહ્યો છે, એક તરફ જેકલીન અને બીજી બાજુ નુસરત મેકઅપ કરતી જોવા મળી રહી છે. 

તમને જણાવી દઈએ કે, અક્ષય તેની ફિલ્મના મુહૂર્તની સાથે ઉત્તર પ્રદેશના સીએમ યોગી આદિત્યનાથને પણ મળ્યો હતો. આ સિવાય અક્ષય શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાય અને ટ્રસ્ટી અનિલ મિશ્રાને પણ મળ્યો. અક્ષયના મતે તેની ફિલ્મ 'રામ સેતુ' ભૂતકાળ, વર્તમાન અને ભવિષ્યની જનરેશન વચ્ચેની કડી છે.

'રામ સેતુ' અક્ષય કુમારની મહત્ત્વકાંક્ષી ફિલ્મ છે. ડો.ચંદ્રપ્રકાશ દ્વિવેદી ક્રિએટિવ પ્રોડ્યૂસર છે. ફિલ્મમાં જેકલીન ફર્નાન્ડિઝ તથા નુસરત ભરૂચા મહત્ત્વના રોલમાં છે. ડો. દ્વિવેદીએ અક્ષય કુમારને ફિલ્મ 'પૃથ્વીરાજ'માં ડિરેક્ટ કર્યો છે. આ ફિલ્મ દિવાળી પર રિલીઝ થશે. 'રામ સેતુ'નું શૂટિંગ મુહૂર્ત 18 માર્ચના રોજ અયોધ્યામાં કરવામાં આવ્યું.