બોલિવૂડ એક્ટર સોનુ સૂદ દેશના ગરીબ અને પ્રવાસી મજૂરોને ઘરે મોકલવાનું નેક કામ કરી રહ્યો છે. જેના માટે તેની ખૂબ પ્રસંશા પણ થઈ રહી છે. જોકે, હવે બોલિવૂડના સિંઘમ અજય દેવગને પણ ટ્વિટ કરીને સોનુના વખાણ કર્યા છે. પણ ઘણાં યુઝર્સ તેના કારણે સોનુ સૂદને ટ્રોલ કરી રહ્યાં છે. તમને જણાવી દઈએ કે, આ પહેલાં કેન્દ્રીય મંત્રી અને બીજેપી નેતા સ્મૃતિ ઈરાની પણ સોશિયલ મીડિયા પર સોનુ સૂદના વખાણ કરી ચૂક્યા છે.
સોનુ સૂદ પ્રવાસી મજૂરોને તેમના વતન જવામાં કરી રહ્યો છે મદદ
તમને જણાવી દઈએ કે, અનેક ફિલ્મોમાં વિલનનો રોલ પ્લે કરનાર સોનુ સૂદ હાલ દેશનો સુપરહીરો બની ગયો છે. પ્રવાસી મજૂરો માટે સોનુ આશાની કિરણ બન્યો છે. સોનુ સૂદ મુંબઈમાં ફસાયેલા પ્રવાસી મજૂરોને ઘરે મોકલવાનું નેક કામ કરવામાં લાગેલો છે અને તેના માટે તે અલગ-અલગ રાજ્યો માટે બસથી લઈને ખાવાની પણ વ્યવસ્થા કરી રહ્યો છે. આ એક્ટરે મજૂરોને આ સંકટ સમયમાં પોત-પોતાના ઘરે પહોંચાડી દીધા છે.
The sensitive nature of the work that you are doing with sending migrant workers back to their homes safely is exemplary. More strength to you, Sonu 🙏@SonuSood#IndiaFightsCorona#StayHomeStaySafe
ત્યારે બોલિવૂડના સિંઘમ અજય દેવગને પણ સોનુના વખાણ કર્યા છે અને લખ્યું-પ્રવાસી મજૂરોને સુરક્ષિત ઘરે મોકલવાને લઈને જે સંવેદનશીલ કામ તમે કરી રહ્યાં છે તે એક ઉદાહરણ સ્વરૂપ છે. તમને વધારે હિમ્મત મળે. સોનુના વખાણમાં સિઘમ અજય દેવગનની ટ્વિટ લોકોને ખૂબ પસંદ આવી રહી છે પરંતુ ઘણાં લોકો રિટ્વિટ કરીને તેને ટ્રોલ પણ કરી રહ્યાં છે.
અજય દેવગનને ટ્રોલ કરતાં એક યુઝરે લખ્યું- તમારાથી પણ બધાંને ઘણી આશાઓ છે. તમે પણ રિયલ લાઈફમાં સિંઘમ બની શકો છો સર, એકવાર ટ્રાય તો કરી જુઓ. જ્યારે અન્ય એક યુઝરે કહ્યું- અમારા સિંઘમ સાહેબ માત્ર પોતાના માટે જ જીવે છે પરંતુ સોનુ સૂદ નહીં. હવે ખબર પડી રહી છે કે રિયલ લાઈફ સિંઘમ કોણ છે. ઉલ્લેખનીય છે કે, બિહારના લોકો સોનુ સૂદના કામથી એટલા ખુશ થઈ ગયા છે કે, તેઓ તેની પ્રતિમા બનાવવા માંગે છે અને તેના માટે ભારત રત્નની પણ માંગ કરી રહ્યાં છે. લોકો તેને ટ્વિટર પર રિયલ હ્યૂમન બીઈંગ અને રિયલ સિંઘમ કહી રહ્યાં છે.