દિલ્હી: આંતરરાષ્ટ્રીય બજારમાં ક્રૂડ ઓઈલના ભાવ વધતા એર ઈન્ડિયા પર સંકટ જોવા મળ્યું. આર્થિક સંકડામણ સામે લડી રહેલા એર ઈન્ડિયાએ રાષ્ટ્રીય લઘુ બચત કોષ એટલે કે N.S.S.F. પાસેથી રૂ. 1 હજાર કરોડની લોન લીધી છે. કંપનીને આગલા સપ્તાહમાં શોર્ટ ટર્મ લોન તરીકે રૂ. 500 કરોડ રૂપિયા મળી શકવાની પણ આશા છે.
એરલાઈન્સના સૂત્રોના જણાવ્યા મુજબ આ લોનનો ઉપયોગ એર ઈન્ડિયાની આર્થિક સંકડામણને દૂર કરવામાં ઉપોયગમાં લેવાશે. અગાઉ સપ્ટેમ્બરમાં એરલાઈન્સને સરકાર તરફથી પૂરક અનુદાન પેટે રૂ. 980 કરોડ રૂપિયાની ઈક્વિટી રોકાણ મળ્યુ છે.
એક અધિકારીના જણાવ્યા મુજબ અમને પાછલા સપ્તાહમાં જ N.S.S.F. પાસેથી લોન પેટે રૂ. 1 હજાર કોરોડ મળ્યા છે. આ લોન અમને બહુ જ ઓછા વ્યાજદરે મળ્યુ છે.
આ લોન અમે આગામી વર્ષે માર્ચ સુધીમાં ભરપાઈ કરવામાં આવશે. આંતરરાષ્ટ્રીય બજારમાં ક્રૂડ ઓઈલના ભાવ વધતા એર ઈન્ડિયાનું ઓપરેશન ચાલી રહ્યુ છે. જેના લીધે એર ઈન્ડિયા હાલ નુકસાનમાં ચાલી રહી છે.