દુર્ઘટના ટળી / મસ્કત એરપોર્ટ પર 145 ભારતીય પ્રવાસીઓનો આબાદ બચાવ, એર ઈન્ડીયાની ફ્લાઈટમાં લાગી આગ

• ઓમાનની રાજધાની મસ્કતમાં એર ઈન્ડીયાની ફ્લાઈટમાં મોટી દુર્ઘટના ટળી
• કોચી આવી રહેલી એરઈન્ડીયાની ફ્લાઈટમાં ઉપડતા પહેલા ફેલાયો ધૂમાડો
• ફ્લાઈટ રદ કરાઈ, તમામ પ્રવાસીઓને બહાર કાઢી લેવાયા 

ઓમાનની રાજધાની મસ્કતમાં એર ઈન્ડીયાની એક ફ્લાઈટ સાથે મોટી દુર્ઘટના ટળી ગઈ છે. મસ્કત એરપોર્ટ પરથી કેરળના કોચી તરફ આવી રહેલી એર ઈન્ડીયાના વિમાનના એન્જિનમાં આગ લાગી હતી જેને કારણે ફ્લાઈટમાં ધૂમાડો ફેલાયો હતો.

ફ્લાઈટમાંથી 145 પ્રવાસીઓને બહાર કઢાયા 

આ સમયે ફ્લાઈટમાં 145 પ્રવાસીઓ બેઠા હતા જેઓ કોચી આવી રહ્યાં હતા. 145 પ્રવાસીઓમાં 4 નવજાત પણ હતા જેમને તમામને વિમાનમાંથી સહિસલામત બહાર કાઢી લેવાયા હતા અને ટર્મિનલની બિલ્ડિંગમાં શિફ્ટ કરી દેવાયા હતા. તમામ પ્રવાસીઓ સહિ સલામત છે અને કોઈ પણ પ્રકારની નુકશાનની ખબર નથી. 

All passengers were safely evacuated after smoke was detected in engine no. 2 of Air India Express flight (to Cochin) on the runway at Muscat airport. Relief flight to be arranged. We will investigate the incident and also take appropriate action: DGCA pic.twitter.com/L7w9yX4GrH

— ANI (@ANI) September 14, 2022

તમામ પ્રવાસીઓ માટે બીજી ફ્લાઈટની વ્યવસ્થા કરાઈ
ડિરેક્ટોરેટ જનરલ ઓફ સિવિલ એવિએશન દ્વારા એવું કહેવામાં આવ્યું છે કે 145 ભારતીય પ્રવાસીઓ માટે બીજી ફ્લાઈટની વ્યવસ્થા કરવામાં આવી છે. ઉલ્લેખનીય છે કે બે મહિના પહેલા બે મહિના પહેલા પણ કાલિકટથી દુબઈ જતી એર ઈન્ડીયાની ફ્લાઈટને મસ્કત બાજુ ડાયવર્ટ કરવી પડી હતી.