અમદાવાદના શહેરીજનોના ટેક્સબિલમાં વધારો થવાના એંધાણ વર્તાઈ રહ્યા છે. મહાનગર પાલિકા ડોર-ટુ-ડોર ચાર્જમાં વધારો કરવાની દરખાસ્ત.શહેરની સુખાકારી અને સ્વચ્છતાના નામે નાણા ખંખેરાશે
મૂળભૂત સુવિધા ના આપી શકતી AMC ટેક્સમાં અવ્વલ
મહાપાલિકા હવે ઘર દીઠ ટેક્સ વધારવાની ફિરાકમાં
રોડ-રસ્તા,ઢોરનાં ત્રાસથી મુક્તિ નહિ, પણ લાવો સફાઈ વેરો
અમદાવાદ મહાનગર પાલિકા સ્વચ્છતામાં ભલે દેશના ગણમાન્ય શહેરોમાં અવ્વલ નાં હોય પણ નાગરિકોના ખીસા ખંખેરવા અને તિજોરી ભરવી એ મૂળભૂત સ્વભાવ છે. શહેરની સુખાકારી અને સ્વચ્છતાના નામે અગાઉ પણ નાણા ખંખેર્યા છે. બદલામાં સુવિધાઓ શી મળે છે. તેનો નાગરિકોને ખ્યાલ જ છે. અમદાવાદના પોશ વિસ્તારોમાં રસ્તા,ગટર, પીવાનું ચોખ્ખું પાણી,રઝળતા ઢોર,આડેધડ પાર્કિંગ, પાર્કિંગ સુવિધાઓનો અભાવ, જેવીઓ અગણિત સમસ્યાથી અમદાવાદી પરેશાન છે
મકાન દીઠ,અને કોમર્શીયલ ચાર્જ અલગ
ત્યારે અમદાવાદના શહેરીજનોના ટેક્સબિલમાં વધારો થવાના એંધાણ વર્તાઈ રહ્યા છે. મહાનગર પાલિકા ડોર-ટુ-ડોર ચાર્જમાં વધારો કરવાની દરખાસ્ત મૂકી રહી છે. આના પરિણામે રહેણાંક એકમોના પ્રતિદિન રૂ. 1 ની જગ્યાએ રૂ 3 કરવાની દરખાસ્ત કરવામાં આવી છે.તો કોમર્શિયલ એકમોના રૂ. 2 ની જગ્યાએ રૂ. 5 કરવા દરખાસ્ત કરાઈ છે. આ ચાર્જ સફાઈ સુવિધાનાં હેડ નીચે વસુલવામાં આવશે. નવા ડોર ટુ ડોર યુઝર્સ ચાર્જીસથી ટેક્ષ બિલમાં થશે વધારો થશે.